Gujarati News

મુંબઈ: અભિનેત્રી અનન્યા પાંડેએ આજકાલ સાઉથના સુપરસ્ટાર વિજય દેવેરાકોન્ડા સાથે ફિલ્મ ફાઇટરનું શૂટિંગ શરૂ કરી દીધું છે. હા, આ ફિલ્મના સેટ પરથી કેટલીક તસવીરો બહાર આવી છે. જેમાં બંને ટીમ સાથે સમય વિતાવતા નજરે પડે છે. તરણ આદર્શે ટ્વીટ કરીને આ ફિલ્મ વિશે માહિતી આપી છે. તરણ આદર્શે લખ્યું, 'કન્ફર્મ- અનન્યા પાંડે ટૂંક સમયમાં વિજય દેવરાકોંડા સાથે જોવા મળશે. આ ફિલ્મનું નામ ફાઇટર હશે. આ ફિલ્મ હિન્દીની સાથે સાથે દક્ષિણની તમામ ભાષાઓમાં રિલીઝ થશે.આ ફિલ્મનું નિર્માણ પુરી જગન્નાથ, ચાર્મી કૌર, કરણ જોહર અને અપૂર્વ મહેતા કરી રહ્યા છે. આ ફિલ્મમાં રમ્યા કૃષ્ણન, રોની રોય, વિશુ રેડ્ડી, અલી અને ગેટપ શ્રીનુ પણ કામ કરશે. અનન્યા પણ આ ફિલ્મમાં જોડાવાથી ખૂબ જ ખુશ છે.અનન્યા છેલ્લે ફિલ્મ પતિ પટણી ઓર વોમાં જોવા મળી હતી. આ સિવાય અનન્યા પાંડેએ ઇશાન ખટ્ટર સાથે ફિલ્મ ‘ખાલી પીલી’ સાઇન કરી છે. અલી અબ્બાસ ઝફર આ ફિલ્મ બનાવી રહ્યા છે.