Gujarati News

Gujarati News

News of Friday, 19th October 2018

ફરીવાર સામાજિક મુદ્દાને લઈને બનતી ફિલ્મમાં નજરે પડશે અક્ષય કુમાર

મુંબઇ :  અભિનેતા અક્ષય કુમાર સામાજિક મુદ્દો ધરાવતી વધુ એક ફિલ્મ કરવા જઇ રહ્યો હોવાની જાણકારી મળી હતી. અત્યાર અગાઉ  એ ટોયલેટ એક પ્રેમકથા અને પેડમેન જેવી સામાજિક મહત્ત્વ ધરાવતી ફિલ્મો કરી ચૂક્યો છે. આ બંને ફિલ્મો હિટ નીવડી હતી.મેગાસ્ટાર અમિતાભ બચ્ચનને લઇને ચીની કમ અને પા જેવી ફિલ્મો બનાવનારા ફિલ્મ સર્જક આર બાલ્કી અક્ષય કુમારને લઇને સામાજિક મુદ્દાની ફિલ્મ બનાવવાનું પ્લાનિંગ કરી રહ્યા હોવાની માહિતી મિડિયાને આપવામાં આવી હતી. હાલ પૂરતું આ ફિલ્મને મહિલા મંડલ નામ આપવામાં આવ્યું છે. આથી વધુ કોઇ માહિતી હાલ આપવામાં આવી નહોતી. મહિલા મંડલ નામ પરથી સમજાય છે કે આ ફિલ્મ મહિલાલક્ષી હશે.જો કે અત્યાર અગાઉ બનાવેલી પેડમેન પણ એક રીતે મહિલા પ્રધાન હતી. માસિક અટકાવ દરમિયાન મહિલાઓ દ્વારા વાપરવામાં આવતા કપડાના ટુકડાની વાત એ ફિલ્મમાં વણી લેવામાં આવી હતી. દક્ષિણ ભારતની ગરીબ મહિલાઓને પરવડે એવા સેનિટરી નેપકીન્સ બનાવવાના પ્રયાસો કરનારા અરુણાચલમ મુરુગનાથન નામના સાહસિકની એ બાયો-ફિલ્મ હતી. અક્ષય કુમારે એમાં મુરુગનાથનનો રોલ કર્યો હતો. આ ફિલ્મમાં એની સાથે સોનમ કપૂર પણ હતી. પેડમેન કરવા અક્ષયને એની પત્ની ટ્વીન્કલ ખન્નાએ સમજાવ્યો હતો. આ ફિલ્મથી ટ્વીન્કલ નિર્માત્રી બની હતી.

(5:51 pm IST)
  • અમદાવાદના વેજલપુરમાં 8 વર્ષની બાળકી સાથે દુષ્કર્મનો મામલો :વેજલપુર પોલીસે આરોપી ફરહાન નૂરમહમદની કરી ધરપકડ :બાળકીને ખિસકોલી રમાડવાના બહાને બોલાવી આચર્યું હતું દુષ્કર્મ:વેજલપુર પોલીસે વધુ તપાસ હાથ ધરી access_time 4:16 pm IST

  • ટ્રેન દુર્ઘટના બાદ નવજોત કૌર સિદ્ધુ હોસ્પિટલ પહોંચ્યા :દુર્ઘટના બની ત્યારે મેં સ્થળ છોડી દીધું હતું :ઇજાગ્રસ્તોને સારવાર મળે તેને પ્રાધાન્ય આપવું જોઈએ :જે લોકો આ બનાવ પર રાજકારણ કરી રહ્યા છે તેઓ શરમ આવવી જોઈએ;વિપક્ષના આક્ષેપનો નવજોત કૌર સિદ્ધુનો આકારો જવાબ access_time 1:10 am IST

  • વડોદરામાં સ્વાઈન ફ્લૂથી મહિલાનું મોતઃ સુરતમાં ૩ કેસ વધુ નોંધાયા ભાવનગરમાં પણ સ્વાઈન ફ્લૂના શંકાસ્પદ દર્દીનું મોત access_time 3:54 pm IST