Gujarati News

ટીવી શો 'એક થી રાની એક થા રાવણ'માં મુખ્ય રોલ નિભાવી રહેલો રામ યશવર્ધન પોતાના અભિનય થકી દર્શકોમાં જાણીતો બન્યો છે. તેણે કહ્યું હતું કે જો હું અભિનેતા ન હોત તો પાઇલોટ જરૂર બન્યો હોત. રામ યશવર્ધન કહે છે મારા માતા-પિતા પહેલેથી જ એવું ઇચ્છતા હતાં કે હું પાઇલોટ બનું. પિતા ખુદ એ ફિલ્ડમાં હતાં. પરંતુ મને પહેલેથી જ અભિનય પ્રત્યે આકર્ષણ હતું. મેં અભિનય ક્ષેત્રે આવતા પહેલા પાઇલોટની ટ્રેનિંગ લીધી હતી અને પરિક્ષા પણ આપી હતી. પણ રિઝલ્ટ આવે એ પહેલા એકટીંગ સ્કૂલમાં જોડાઇ ગયો હતો. આજે મને ટીવી પરદે જોઇને માતા-પિતા બંને ખુશ થાય છે.  હું ખુશ છું કે મને પસંદગીનું ફિલ્ડ મળ્યું છે, આજે હું જેટલો ખુશ છું એટલો કદાચ કદી ન હોત. તે કહે છે દર્શકોને હું અલગ-અલગ પાત્રોથી સતત ખુશ કરતો રહીશ.