Gujarati News

મુંબઇ:  ૧૨ વરસ પહેલા રૃપેરી પડદે અક્ષય કુમાર, ગોવિંદા અને પરેશ રાવલ અભિનિત ફિલ્મ ભાગમભાગ બોક્સ ઓફિસ પર તરખાટ મચાવ્યો હતો. હવે દિગ્દર્શક પ્રિયદર્શન આ ફિલ્મનો બીજો ભાગ બનાવાની તૈયારી કરી રહ્યા છે. સૂત્રના જણાવ્યા પ્રમાણે આ સિકવલમાં અક્ષય કુમાર કે ગોવિંદા કામ કરવાના નથી. સુનીલ શેટ્ટી આ ફિલ્મમાં મુખ્ય પાત્ર ભજવશે, જ્યારે હજી બીજી સ્ટાર કાસ્ટ અંગે નિર્ણય લેવામાં આવ્યો નથી. મૂળ ફિલ્મનું દિગ્દર્શન પ્રિયદર્શનનું હતુ ંજ્યારે નિર્માણ સુનીલ શેટ્ટીની હતું. આ વખતે સુનીલ શેટ્ટી નિર્માતા નહીં હોય પરંતુ ફિલ્મનો મુખ્ય હીરો હશે. કહેવાય છે કે સુનીલે છ મહિનામાં પ્રિયદર્શન સાથે ઘણી મુલાકાતો કરીને આ ફિલ્મ અંગે નિર્ણય લીધો છે. ફિલ્મની સ્ક્રિપ્ટ પણ તૈયાર થઇ ગઇ છે. આ વરસના અંતમાં આ ફિલ્મનું શૂટિંગ શરૃ થાય તેવી શક્યતા છે. મૂળ ફિલ્મમાં પરેશ રાવલ લંડનમાં એક નાટક કરવાનો હોય છે જેના માટે તે અક્ષય અને ગોવિંદાને લંડન લઇ જાય છે. એ પછી જે રમુજી કિસ્સાઓ બને છે તેમાં ભાગમભાગ શરૃ થઇ જાય છે.