Gujarati News

Gujarati News

News of Monday, 19th April 2021

રાશીએ થ્રિલર સિરીઝનું એક શેડ્યુલ પુરૂ કર્યુ

સાઉથ ઇન્ડસ્ટ્રીની ખુબ જાણીતી અભિનેત્રી રાશી ખન્ના હાલમાં બોલીવૂડ સુપરસ્ટાર શાહિદ કપૂર સાથે એક થ્રિલર વેબ સિરીઝ કરી રહી છે. બોલીવૂડમાં ૨૦૧૩માં મદ્રાસ કાફે ફિલ્મથી અભિનય શરૂ કરનાર રાશીએ બાદમાં દક્ષિણની રાહ પકડી લીધી હતી. ત્યાં તેલુગુ, તમિલ, મલયાલમ ભાષાની પચ્ચીસથી વધુ ફિલ્મો તે કરી ચુકી છે અને આ વર્ષમાં જ તેની વધુ   આઠ ફિલ્મો કતારમાં છે. નિર્દેશક રાજ અને ડીકેની થ્રિલર સિરીઝનું રાશી હાલમાં શાહિદ કપૂર સાથે ગોવામાં શુટીંગ કરવા પહોંચી હતી. આ વેબ શોમાં વિજય સેતુપતિ પણ ખાસ ભુમિકામાં છે. સિરીઝનું પહેલા શેડ્યુલનું શુટીંગ પુરી કરી લેવાયું છે. કોવિડ ટેસ્ટ કરાવાયા બાદ બધા કલાકારો અને ટીમ શુટીંગમાં જોડાય છે. રાશીએ એક ફોટો ઇન્સ્ટાગ્રામ પર મુકીને લખ્યું હતું કે  આ પ્રકારની થ્રિલર સિરીઝનું શુટીંગ કરવું મારા માટે ખુબ જ ઉત્સાહિત કાર્ય છે. નવા શેડ્યુલ માટે હું અત્યંત ખુશ છું. શાહિદ અને વિજય જેવા સ્ટાર્સ અને રાજ ડીકે જેવા નિર્દેશક સાથેનો અનુભવ ખુબ સારો રહ્યો છે.

(10:57 am IST)
  • કેન્દ્ર સરકાર દ્વારા COVID-19 દર્દીઓની માંગને પહોંચી વળવા ઉદ્યોગોને ઓક્સિજનના સપ્લાય પર પ્રતિબંધ મુક્યો access_time 10:09 pm IST

  • પંજાબના મુખ્યમંત્રીએ COVID19 પરિસ્થિતિની સમીક્ષા કરી : 20 થી 30 એપ્રિલ દરમ્યાન નાઇટ કર્ફ્યુનો સમય વધારીને સાંજે 8 થી સવારે 5 નો કર્યો, તમામ બાર, સિનેમા હોલ, જિમ, સ્પા, કોચિંગ સેન્ટરો, સ્પોર્ટસ સંકુલ બંધ કરવાનો આદેશ આપ્યો : લગ્ન અને અંતિમ સંસ્કાર સહિતના મેળાવડામાં 20 થી વધુ લોકો પર પ્રતિબંધ : આ સાથે સરકારી અને ખાનગી લેબ્સ દ્વારા RT-PCR અને રેપિડ એન્ટિજેન ટેસ્ટ ના દરો અનુક્રમે રૂ. 450 અને રૂપિયા 300 કરવામાં આવ્યા હોવાનું મુખ્યમંત્રી કાર્યાલયે જાહેર કર્યું access_time 4:47 pm IST

  • ભારતમાં કોરોનાએ બોકાસો બોલાવ્યો: માત્ર ૨૪ કલાકમાં પોણા ત્રણ લાખ નવા કેસ, ૧૬૧૯ના જીવ ગયા, ચારેકોર મોતનું તાંડવ: અમેરિકામાં માત્ર ૪૩ હજાર: બ્રાઝિલમાં ૪૨ હજાર, ફ્રાન્સમાં ૨૯ હજાર: જ્યારે ઇંગ્લેન્ડમાં માત્ર ૧૮૦૦ અને યુનાઇટેડ આરબ અમીરાતમાં પણ ૧૯૦૦ આસપાસ કેસ નોંધાયા access_time 10:18 am IST