Gujarati News

Gujarati News

News of Tuesday, 19th January 2021

કોઇપણ વ્‍યક્‍તિ, જાતિ, સમુદાય, ધર્મ કે ધાર્મિક વિશ્વાસોની ભાવનાઓને ઠેસ પહોંચાડવાનો અમારો ઇરાદો ન હતોઃ વેબ સિરીઝ ‘તાંડવ'ના ડાયરેક્‍ટર અલી અબ્‍બાસ ઝફરે માફી માંગી

મુંબઈઃ સૈફ અલી ખાનની વેબ સિરીઝ 'તાંડવ' ને લઈને વિવાદ ચાલી રહ્યો છે. હવે વેબ સિરીઝના ડાયરેક્ટર અલી અબ્બાસ જફર તરફથી માફીનામુ પોસ્ટ કરવામાં આવ્યુ છે. અલી અબ્બાસ જફરે પોતાના ટ્વિટર હેન્ડલ પર એક પોસ્ટ શેર કરી વિના શરત માફી માંગી લીધી છે.

અલી અબ્બાસ ઝફરે પોતાના ટ્વિટર હેન્ડલ પર લખ્યુ, 'અમે વેબ સિરીઝ તાંડવને લઈને દર્શકોની પ્રતિક્રિયાઓ પર નજર રાખી રહ્યાં છીએ. સૂચના અને પ્રસારણ મંત્રાલયની સાથે સોમવારે એક બેઠક દમરિયાન વેબ સિરીઝના વિભિન્ન પાસાઓ અને કન્ટેન્ટથી લોકોની ભાવનાઓને ઠેસ પહોંચાવવાને લઈને ઘણી ફરિયાદો મળી છે.'

અલી અબ્બાસ ઝફરે આગળ લખ્યુ, 'વેબ સિરીઝ તાંડવ એક ફિક્શન છે અને જો તેની કોઈપણ વ્યક્તિ કે ઘટનાથી સમાનતા છે તો તે સંયોગ છે. કોઈપણ વ્યક્તિ, જાતિ, સમુદાય, ધર્મ કે ધાર્મિક વિશ્વાસોની ભાવનાઓને ઠેસ પહોંચાડવા કે કોઈ સંસ્થા, રાજકીય પક્ષ કે વ્યક્તિનું' જીવિત કે મૃતનો અપમાન કરવાનો કોઈ ઈરાદો નહતો. તાંડવના કાસ્ટ અને ક્રૂ તરફથી વ્યક્ત કરવામાં આવેલી ચિંતાઓને ધ્યાનમાં લેવામાં આવી છે અને કોઈની લાગણીને દુખ પહોંચાડ્યા સિવાય કોઈ પણ શરત માફી માગી લીધી છે.

મહત્વનું છે કે ઘણા સ્થળો પર તાંડવના એક્ટર સૈફ અલી ખાન, ડિમ્પલ કાપડિયા અને સુનીલ ગ્રોવર સહિત 32 ફિલ્મી હસ્તિઓ પર કેસ નોંધવામાં આવ્યો છે. વેબ સિરીઝમાં હિન્દુ દેવી-દેવતાઓની મજાક ઉડાવવા અને સમાજમાં જાતિવાદને પ્રોત્સાહન આપવાનો આરોપ લગાવવામાં આવ્યો છે.

(5:17 pm IST)
  • આખરે વેપારીઓની માંગણી સામે ઝૂકી રાજસ્થાનની ગેહલોત સરકાર : જયપુર સહીત 13 જિલ્લામાંથી નાઈટ કર્ફ્યુ હટાવ્યો : અજમેરના વેપારીઓએ આંદોલન કરવાની ધમકી આપી હતી access_time 6:46 pm IST

  • ' ખેતી કા ખૂન ' : કોંગ્રેસના પૂર્વ અધ્યક્ષ રાહુલ ગાંધીએ બુકલેટ લોન્ચ કરી : નવા કૃષિ કાનૂનથી સમગ્ર દેશની ખેતી ઉપર ચારથી પાંચ કોર્પોરેટ ક્ષેત્રોનો કબજો આવી જશે : પત્રકાર પરિષદમાં સંબોધન કર્યું access_time 8:58 pm IST

  • ફેરવેલ સ્પીચમાં પત્નીએ ડોનાલ્ડ ટ્રમ્પને અરીસો બતાવ્યોઃ હિંસાને કદી યોગ્ય ગણી ન શકાયઃ હિંસાની ટીકા કરી access_time 4:08 pm IST