Gujarati News

Gujarati News

News of Tuesday, 19th January 2021

ફિલ્મ રિલીઝ થવાની રાહમાં છે કેટરીના

બોલીવૂડની બાર્બી ગર્લ કેટરીના કૈફે કારકિર્દીની શરૂઆતમાં સાઉથની ફિલ્મો પણ કરી હતી. હવે તે દક્ષિણના સુપરસ્ટાર વિજય સેતુપતિ સાથે કામ કરશે. શ્રીરામ રાઘવનના નિર્દેશનમાં બનનારી ફિલ્મમાં કેટરીના અને વિજય સેતુપતિની મુખ્ય ભુમિકા છે. કેટરીના હાલમાં તો પોતાની બનીને તૈયાર થઇ ગયેલી ફિલ્મ સૂર્યવંશી રિલીઝ થાય તેની રાહમાં છે. રોહિત શેટ્ટીની આ ફિલ્મમાં અક્ષય કુમાર સાથે વર્ષો પછી ફરીથી કેટરીનાની જોડી છે. હાલમાં કેટરીના હોરર કોમેડી ફોન ભૂત પણ કરી રહી છે. જેમાં સિધ્ધાંત ચતુર્વેદી અને ઇશાન ખટ્ટર તેની સાથે છે. વિજય સેતુપતિ સુપરહિટ તામિલ ફિલ્મ માનાગરમની હિન્દી રિમેક સાથે બોલીવૂડમાં પોતાની કારકિર્દી શરૂ કરશે. આ ફિલ્મનું નિર્દેશન સંતોષ સિવન કરી રહ્યા છે. વિજય આ ફિલ્મમાં કોમેડી ભુમિકા ભજવશે. કેટરીનાની બોલીવૂડમાં કારકિર્દી ઘડવામાં સલમાન ખાને મોટી ભુમિકા નિભાવી છે. 

(10:21 am IST)
  • બાંગ્લાદેશને વેક્સિનના ૨૦ લાખ ડોઝ ભારત આપશે : ૨૦ જાન્યુઆરીએ ભારત કોવિશિલ્ડ કોરોના વેકસીનના ૨૦ લાખ ડોઝ બાંગ્લાદેશને ભેટ સ્વરૂપે આપશે તેવી જાહેરાત થઇ છે access_time 12:26 am IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,566 કેસ નોંધાયા :કુલ કેસની સંખ્યા 1,05,96,228 થઇ :એક્ટિવ કેસ 1,94,247 થયા: વધુ 16,976 દર્દીઓ સ્વસ્થ થતા કુલ 1,02,44,839 થયા :વધુ 154 લોકોના મોત સાથે કુલ મૃત્યુઆંક 1,52,747 થયા access_time 1:03 am IST

  • કોરોના રસીનો જાદુ કે બાયડનના આગમનના પડઘા પડ્યા ? અમેરિકામાં કોરોના કેસમાં ધરખમ ઘટાડો, ૨૪ કલાકમાં દોઢ લાખ કેસ નોંધાયા, ૧૩૯૩ મૃત્યુ : ભારતમાં અભૂતપૂર્વ કોરોના કેસ ઘટી ગયા: ચોવીસ કલાકમાં માત્ર દસ હજાર નવા કેસ અને ૧૩૭ ના મોત: ઈંગ્લેન્ડમાં પણ ઘટાડો નોંધાયો, આજે સવાર સુધીમાં ૩૭ હજાર નવા કેસો: બ્રાઝિલમાં ૨૪ હજાર, રશિયામાં ૨૨ હજાર, જર્મનીમાં અને ઈટાલીમાં ૮ હજાર નવા કેસ થયા છ: ચીનમાં રોજ એકસો ઉપર નવા કેસો, આજે સવારે ૧૧૮ કેસ નોંધાયા: હોંગકોંગમાં ૧૦૭ અને ઓસ્ટ્રેલિયમાં ૧૩ નવા કેસ નોંધાયા access_time 10:30 am IST