Gujarati News

 કાર્તિક આર્યન વ્યસ્ત અભિનેતાની હરોળમાં સામેલ થઇ ચુકયો છે. તેની બહુપ્રતિક્ષિત ફિલ્મ ધમાકા આવતી કાલથી રિલીઝથઇ રહી છે. આ ફિલ્મમાં તે ન્યુઝ રિપોર્ટર અર્જુન પાઠકનો રોલ નિભાવી રહ્યો છે. એક નવા જ અવતારમાં કાર્તિકને જોવા તેના ચાહકો આતુર છે. કાર્તિકે અગાઉ ફિલ્મનો પ્રોમો સોશિયલ મિડીયા પર પોસ્ટ કર્યો ત્યારે લખ્યું હતું કે-કુછ પાને કે લિયે કિતના કુછ ખોને કો તૈયાર હો આપ? આ લખાણે ફિલ્મ ચાહકોમાં ખુબ ઉત્સુકતા જગાવી હતી. રામ માધવાણીની આ થ્રિલર ફિલ્મમાં લવર બોય કાર્તિક જે અવતારમાં જોવા મળવાનો છે તે લૂક ચાહકોને પ્રભાવીત કરી ગયો છે. કાર્તિકની સાથે આ ફિલ્મમાં મૃણાલ ઠાકુર, અમૃતા સુભાષ, વિકાસ કુમાર અને વિશ્વજીત પ્રધાન પણ ખાસ ભુમિકામાં છે. કાર્તિકની આગામી ફિલ્મોમાં કેપ્ટન ઇન્ડિયા, ભૂલભૂલૈયા-૨ તેમજ સાજીદ નડિયાદવાલાની ફ્રેડી અને શહજાદા સામેલ છે.