Gujarati News

મુંબઈ:લાંબા અરસાથી મીડિયામાં ચમકી રહેલી સલમાન ખાનની ખાસ મિત્ર યૂલિયા વંતૂર બોલિવૂડમાં ડગ માંડી રહી છે. યૂલિયા ફિલ્મ ‘રાધા ક્યોં ગોરી મૈં ક્યોં કાલા’માં કૃષ્ણ ભક્તિ કરતી નજરે પડશે.  ફિલ્મ અંગે જણાવતાં યૂલિયા કહે છે કે, એ ફિલ્મમાં કૃષ્ણ ભક્તની ભૂમિકા ભજવી રહી હોવાથી ગીતાના અધ્યાયનો અભ્યાસ કરી રહી છે. ઉપરાંત ભારતની સંસ્કૃતિ અને સભ્યતાને પણ સમજવાના પ્રયાસ કરી રહી છે. એટલું જ નહીં, યૂલિયાના જણાવ્યા મુજબ એ ભારત આવી ત્યારે ઋષિકેશ જઈને ભારતના અધ્યાત્મના દર્શન પણ કર્યા છે.  યૂલિયા એની ફિલ્મ રાધા ક્યોં ગોરી મૈં ક્યોં કાલામાં એક એવી વિદેશી યુવતીની ભૂમિકા ભજવવાની છે જે રેપ પીડિતા હોવાની સાથે કૃષ્ણની પણ ભક્ત છે.