Gujarati News

Gujarati News

News of Thursday, 18th October 2018

ફિલ્મ ઉદ્યોગ એક છેતરામણી વ્યવસાય છે: અનુષ્કા શર્મા

મુંબઈ:મોખરાની અભિનેત્રી કમ ફિલ્મ સર્જક અનુષ્કા શર્માએ કહ્યું હતું કે ફિલ્મી વ્યવસાયની કદી ભવિષ્યવાણી કરી શકાય નહીં. આ એક અનપ્રેડિક્ટેબલ બિઝનેસ છે.અનુષ્કાને ફિલ્મ સૃષ્ટિમાં દસ વર્ષ થયાં અને હિટ ફિલ્મોમાં અભિનય કરવા ઉપરાંત એણે નિર્માત્રી તરીકે ત્રણેક ફિલ્મો પણ આપી. એણે કહ્યું કે સુઇ ધાગા બનતી હતી ત્યારે મને લાગતું હતું કે એ સારી ફિલ્મ બનશે. પરંતુ દર વખતે એવું નક્કી કરી શકાતું નથી. આ એક છેતરામણો વ્યવસાય છે. તમે કઇ ફિલ્મ કેટલી સારી બનશે અને કેટલી સારી કમાણી કરશે એની આગાહી અગાઉથી કરી શકતા નથી. ઘણીવાર સાવ નાનકડી લાગતી ફિલ્મ બોક્સ ઑફિસ પર ધમાલ મચાવી દે છે જ્યારે ઘણીવાર મેગાબજેટ અને મલ્ટિસ્ટાર જેવી ફિલ્મો બોક્સ ઑફિસ પર પીટાઇ જાય છે.એણે એક સરસ વાત કરી. એણે કહ્યું, 'હું કોઇ ફિલ્મ ન સ્વીકારું ત્યારે સામી વ્યક્તિને અંધારામાં રાખતી નથી. મને જે ઠીક લાગે એ કહી દઉં છું. શા માટે આ ફિલ્મ નથી સ્વીકારતી એની સાચ્ચી વાત કહી દેવાથી બંને પક્ષે ગેરસમજ થવાની શક્યતા આપોઆપ ઘટી જાય છે. તમે ખોટું બોલીને ફિલ્મ નકારો અને પછી સચ્ચાઇ પ્રગટ થાય ત્યારે સંબંધોમાં ખટાશ આવી જાય છે. હું એવું કરવામાં માનતી નથી.'

(5:03 pm IST)
  • સબરીમાલાના કપાટ ખુલ્યા :'પ્રતિબંધિત વય મર્યાદાવાળી કોઈપણ મહિલા નહિ કરી શકી ભગવાન અયપ્પાના દર્શન :પ્રદર્શનકારીઓ અને પોલીસ વચ્ચે ઘર્ષણ :આંતર રાષ્ટ્રીય હિન્દૂ પરિષદ અને સબરીમાલા સંરક્ષણા સમિતિએ આજ મધ્યરાત્રીથી 24 કલાકની હડતાલ શરૂ કરવા આહવાન કર્યું access_time 8:53 am IST

  • સુરતમાં હત્યાનો દોર યથાવત:જહાંગીરપૂરા વિસ્તારમાં મોડી રાત્રે ખેલાયો ખૂની ખેલ:રસીદ ઉર્ફે બાબુ નામના યુવકની થઈ હત્યા :જૂની અદાવતમાં યુવકને ઉતારી દીધું મોતના ઘાટ:મૃતક રસીદ માથે ભારે શખ્સ હોવાની વાત:જહાંગીરપૂરા પોલીસે અજાણ્યા વિરુદ્ધ હત્યાનો ગુનો નોંધી તપાસ હાથ ધરી access_time 1:45 pm IST

  • દિલ્હીમાં હવાનું પ્રદુષણ 'બહુત ખરાબ ':અધિકારીઓ મુજબ દિલ્હીમાં કેટલાય વિસ્તારોમાં પ્રદુષણની સ્થિતિ 'ગંભીર 'શ્રેણીની નજીક :દિલ્હીના પર્યાવરણ મંત્રી ઇમરાન હુસૈને નિરીક્ષણ માટે છ સદસ્યોની ટીમની રચના કરી :હવામાં વધતું પ્રદુષણ સ્વાસ્થ્ય માટે ગંભીર ખતરો access_time 1:14 am IST