Gujarati News

Gujarati News

News of Thursday, 18th October 2018

સિરિઝ મિર્ઝાપુરનું બીજું ટીઝર રિલીઝ

મુંબઈ:અત્યાર સુધી રોમાન્ટિક બૉયના રોલ કરનારા અભિનેતા અલી ફઝલને હવે તમે ગંેગસ્ટરના રોલમાં જુઓ તો નવાઇ નહીં પામતા.એમેઝોન પ્રાઇમ વિડિયો દ્વારા બની રહેલી વેબ સિરિઝ મિર્ઝાપુરનું બીજું ટીઝર તાજેતરમાં રજૂ થયું હતું જેમાં અભિનેતા અલી ફઝલ ગેંગસ્ટર તરીકે રજૂ થઇ રહ્યો છે. અત્યાર અગાઉ રજૂ થયેલા પહેલા ટીઝરમાં અભિનેતા પંકજ ત્રિપાઠી કાલીન ભૈયાના પાત્રમાં રજૂ થઇ ચૂક્યો છે.બીજા ટીઝરમાં અલી ફઝલ એક ઘાતકી ગેંગસ્ટર તરીકેે રજૂ થઇ રહ્યો છે. જો કે ખૂબીપૂર્વક એના ચહેરાને સંતાડવામાં આવ્યો હતો. માત્ર એનું શરીર નજરે પડે છે. એ ગુડ્ડુ પંડિતનો રોલ કરે છે જે વિચારે છે ઓછું પરંતુ હત્યા વધુ કરે છે. વિડિયો ક્લીપમાં ગુડ્ડુ પોતાની રીતે હત્યાના નિયમો રજૂ કરે છે. એના અવાજનો રણકાર બદલાયેલો છે પરંતુ એમાં રહેલી નિર્દયતા સમજી શકાય છે. એ કહે છે કે જેની હત્યા કરવાની હોય એને અમે ઓળખીએ નહીં એ જ બહેતર છે. 'હત્યાના કેટલાક નિયમો છે. તમે શિકારને ઓળખતાં ન હો તો કામ સહેલું બની જાય છે. હું ગુડ્ડુ પંડિત છું. હવે મિર્ઝાપુરમાં કાળો કેર વર્તાવવાનો છું' એમ અલીના કંઠમાં સંવાદ સંભળાય છે.

(4:58 pm IST)
  • #MeToo ના આરોપ બાદ કેન્દ્રીય મંત્રી એમ.જે. અકબરે આપ્યું રાજીનામું : 20 જેટલી મહિલાએ લગાવ્યો હતો આરોપ : મને કાયદા પર પૂરો ભરોસો છે, મારા પર ખોટા આરોપો લગાવ્યા છે - એમ.જે. અકબર access_time 6:35 pm IST

  • રાજકોટ:સ્વાઈન ફ્લૂના વધુ એક દર્દીનું સારવાર દરમિયાન મોત:મોરબી જિલ્લાના ટંકારા તાલુકાના અમરાપર ગામના 45 વર્ષીય પુરુષનું સ્વાઈન ફ્લૂથી મોત:ખાનગી હોસ્પિટલમાં સારવાર દરમિયાન થયું મોત:ચાલુ વર્ષે સ્વાઈન ફલૂ થી મૃત્યુ આંક 25 પહોંચ્યો:ચાલુ વર્ષે કુલ 109 પોઝિટિવ કેશ નોંધાયા છે access_time 1:13 pm IST

  • સબરીમાલાના કપાટ ખુલ્યા :'પ્રતિબંધિત વય મર્યાદાવાળી કોઈપણ મહિલા નહિ કરી શકી ભગવાન અયપ્પાના દર્શન :પ્રદર્શનકારીઓ અને પોલીસ વચ્ચે ઘર્ષણ :આંતર રાષ્ટ્રીય હિન્દૂ પરિષદ અને સબરીમાલા સંરક્ષણા સમિતિએ આજ મધ્યરાત્રીથી 24 કલાકની હડતાલ શરૂ કરવા આહવાન કર્યું access_time 8:53 am IST