Gujarati News

સંજય દત્તની ફિલ્મ પ્રસ્થાનમ રિલીઝ માટે તૈયાર છે. ફિલ્મનું નિર્દેશન દેવા કટ્ટાએ કર્યુ છે. સંજય દત્ત પ્રોડકશન બેનર તળે આ ફિલ્મ માન્યતા દત્તે પ્રોડ્યુસ કરી છે. ફિલ્મનું ટ્રેલર મનોરંજક રહ્યું છે. ફિલ્મનો લૂક જોતાં એવું લાગે છે કે રાજકિય માહોલ પર આ ફિલ્મ આધારીત હશે. તો સાથો સાથ મનોરંજન પણ ભરપુર હશે. મલ્ટીસ્ટાર એવી આ ફિલ્મમાં ઇન્ડસ્ટ્રીના અનેક મોટા કલાકારો લાંબા સમય પછી સાથે જોવા મળવાના છે. પ્રસ્થાનમ પિતા-પુત્ર વચ્ચે વારસાઇ લડાઇ પર આધારીત છે. મોટા બજેટની આ ફિલ્મ છે. ફિલ્મમાં વારસાઇ હક્કો માટે બે પેઢી વચ્ચે ટક્કર અને રાજકારણ પુરતી સિમીત કહાની નથી. આ કહાની સાથે લગભગ બધા લોકો પોતાને જોડાયેલા અનુભવી શકશે તેવું નિર્માતા કહે છે. આ શુક્રવારે ૨૦મી સપ્ટેમ્બરે ફિલ્મ રિલીઝ થઇ રહી છે. પ્રસ્થામન સાઉથની હિન્દી રિમેક છે. સંજય દત્ત સાથે જૈકી શ્રોફ, મનિષા કોઇરાલા, અલી ફઝલ, ચંકી પાંડે, અમાયરા દસ્તુર મહત્વના રોલમાં છે.