Gujarati News

Gujarati News

News of Wednesday, 18th July 2018

ફેશન શોનું પેમેન્ટ ન મળતા ઓસ્ટ્રેલિયાની ટુર રદ કરી મલાઈકા અરોરાએ

મુંબઇ : અભિનેત્રી-મોડેલ-ડાન્સર મલૈકા અરોરાએ છેલ્લી ઘડીએ પોતાની ઓસ્ટ્રેલિયા ટુર રદ કરી હોવાની જાણકારી મળી હતી. મોટા ભાગના સ્ટાર્સ વિદેશી ટુર મારવાના શૉખી રહ્યા છે પરંતુ ક્યારેક વિદેશી ટુરમાં ગડબડ થઇ જતી હોય છે. સુપર સ્ટાર સલમાન ખાનની દબંગ ટુરના ટોરોન્ટો ખાતેના શોમાં ધમાલ મચી હતી કારણ કે કાં તો આયોજકોએ વધુ ટિકિટ વેચી હતી અથવા ડુપ્લીકેટ ટિકિટ વેચાયાથી ક્ષમતા કરતાં વધુ લોકો આવ્યા હતા અને હોબાળો થયો હતો. હવે મળતી માહિતી મુજબ આયોજકો સાથે મતભેદ થતાં મલૈકાએ છેલ્લી ઘડીએ પોતાની ઓસ્ટ્રેલિયા ટુર રદ કરી હતી. મલૈકા એક ફૅશન શોમાં હાજરી આપવાની હતી અને આયોજકોએ એને ફૂલ પેમેન્ટ એડવાન્સમાં ચૂકવવાનું વચન આપ્યું હતું. પરંતુ ૧૫ જુલાઇના સમારોહ માટે ૧૪ જુલાઇની રાત સુધી પેમેન્ટ નહીં આવતાં મલૈકાએ શો રદ કર્યો હતો. શોની ઊંચા ભાવની તમામ ટિકિટો વેચાઇ ચૂકી હતી. પરંતુ આયોજકોએ આપેલું વચન પાળવાની તેમની દાનત નથી એવું લાગતાં મલૈકાએ ફ્લાઇટ જતી કરી હતી.

(4:38 pm IST)
  • દેશભરમાં રેલવે સ્ટેશનોમાં દૂધના આઉટડેટ ખોલાશે :રેલ મંત્રી પિયુષ ગોયલે કહ્યું કે દૂધનો વપરાશ વધારવા દેશભરના રેલવે સ્ટેશનો પર દૂધ ઉપલબ્ધ કરાવવા યોજના બનાવાઈ રહી છે;દૂધના ઉત્પાદકોના સહયોગથી યોજના કાર્યાન્વિત કરાશે access_time 1:28 am IST

  • "ભારત માતાકી જય" નાદ સાથે સંસદનું ચોમાસુ સત્ર શરૂ: દેશના વિકટ પ્રશ્નો હલ કરવા વિપક્ષોનો સહકાર માંગતા મોદી access_time 1:09 pm IST

  • આજે દૂધનું દૂધ અને પાણીનું પાણી થઇ જશે :મોદી સરકાર વિરુદ્ધ વિપક્ષનો અવિશ્વાસ પ્રસ્તાવનો સ્વીકાર :સંસદીય કાર્યમંત્રી અનંતકુમારે લોકસભા અધ્યક્ષને સંબોધીને કહ્યું કેટલાક વિપક્ષ પાર્ટી અવિશ્વાસ પ્રસ્તાવ આપ્યો છે આપને અનુરોધ છે કે આ પ્રસ્તાવનો સ્વીકાર કરો :આજે દૂધનું દૂધ અને પાણીનું પાણી થઇ જશે આ મુદ્દે અધ્ય્ક્ષ સુમિત્રા મહાજને કહ્યું કે મેં આનો સ્વીકાર કરી લીધો છે અને એક બે દિવસમાં આ અંગે નિર્ણય લેવાશે access_time 1:06 pm IST