Gujarati News

Gujarati News

News of Tuesday, 18th June 2019

હોલીવુડ ગિટારવાદક ડીક ડેલનું 81 વર્ષ નિધન

મુંબઇ :  યુગસર્જક ગિટારવાદક ડીક ડેલનું ૮૧ વર્ષની વયે અવસાન થયું હોવાના અહેવાલ પ્રગટ થયા હતા. ધ ગાર્ડિયનના એક અહેવાલ મુજબ એના સાથી ગિટારવાદક સામ બોલે આ સમાચારને સમર્થન આપ્યું હતું.ડીકે વગાડેલા મિસરલૂ ગીતને ક્વેન્ટિન ટેરેન્ટીનોએ પોતાની એક ફિક્શન ફિલ્મમાં ટાઇટલ ટ્રેક તરીકે વગાડયું હતું. ૧૯૬૦ના દાયકામાં એણે પોતાની આગવી વાદનશૈલી દ્વારા સર્ફ મ્યુઝિકર તરીકે પાછળથી ખ્યાતિ પામેલું સંગીત સર્જ્યું હતું. આ શૈલીએ દુનિયાભરના સંગીતપ્રેમીઓને ઘેલાં કર્યાં હતાં. ત્યારબાદ એની શૈલીને અનુસરીને બીજાં ઘણાં બેન્ડ લોકપ્રિય નીવડયાં હતાં.ધી ઇલસ્ટ્રેટેડ ડિસ્કોગ્રાફી ઑફ સર્ફ મ્યુઝિકના લેખક અને ડીકના સહવાદક જ્હૉન બ્લેરે એને શ્રદ્ધાંજલિ આપતાં કહ્યું હતું કે બસો પાંચસો વર્ષમાં કોઇ એકાદ ડીક ડેલ જેવો સંગીતકાર પેદા થતો હોય છે જે પોતાને જોઇતા ધ્વનિ (સાઉન્ડ) પોતે પેદા કરે. અન્યોએ બનાવેલા રાજમાર્ગને અનુસરવાને બદલે પોતાની આગવી કેડી કંડારીને એને રાજમાર્ગ બનાવે.

(5:40 pm IST)
  • લોધીકામાં ૦II ઈંચ : સૌરાષ્ટ્રના ૧૨ તાલુકામાં હળવા-ભારે ઝાપટા : રાજકોટ સહિત સૌરાષ્ટ્ર - કચ્છમાં મેઘાવી માહોલ વચ્ચે હળવો - ભારે વરસાદ વરસી રહ્યો છે. આજે સાંજે ૪:૩૦ વાગ્યા સુધીમાં લોધીકામાં અડધો ઈંચ વરસાદ વરસ્યો છે. જયારે ઉમરાળા, વલ્લભીપુર, જામકંડોરણા, ગોંડલ, પડધરી, રાજકોટ, બોટાદ, ઉના, ભેસાણ, જૂનાગઢ, મેંદરડા અને વિસાવદરમાં હળવા - ભારે ઝાપટા વરસ્યા છે. access_time 4:46 pm IST

  • સંસદમાં કોંગી નેતાપદે ચૌધરી : લોકસભામાં કોંગ્રેસ પક્ષના નેતા તરીકે અધીર રંજન ચૌધરીનું નામ કોંગ્રેસે જાહેર કર્યુ access_time 4:03 pm IST

  • અંબાજીમાં માર્ગ અકસ્માત : ૩ના મોત બાઈકને અજાણ્યા વાહન ચાલકે ટક્કર મારી : કાઠીયા ગામના એક મહિલા અને બે પુરૂષના સ્થળ પર મોત access_time 5:53 pm IST