Gujarati News

Gujarati News

News of Tuesday, 18th June 2019

વિતેલા દાયકાની ટોચની અભિનેત્રી જીનત અમાનને પાનીપત ફિલ્મ માટે આશુતોષ ગોવારીકરે સાઇન કરી

નવી દિલ્હી : વીતેલા દાયકાની ટોચની અભિનેત્રી ઝીનત અમાનને પોતાની પાનીપત  ફિલ્મ માટે આશુતોષ ગોવારીકરે સાઇન કરી હોવાની જાણકારી મળી હતી. એક સમયે ઝીનતે બોલિવૂડ સ્ટાર અમિતાભ બચ્ચન સાથે જબરદસ્ત જોડી બનાવી હતી. 'પાનીપત'નું શૂટિંગ ગયા વર્ષે ડિસેમ્બરમાં શરૂ કરવામાં આવ્યું હતું. આશુતોષે કહ્યું હતું કે ફિલ્મમાં ઝીનત કરશે અને તેમના કેરેક્ટરનું નામ સકીના બેગમ હશે. તેઓ અઠવાડિયાના અંત સુધીમાં શૂટિંગ કરશે. પહેલાં આશુતોષે ફિલ્મ 'ગવાહી'માં ઝીનત અમાન સાથે કામ કર્યું હતું.

ઝીનત અમાનના ચાહકોની સંખ્યા ઘણી વધારે છે. તેનો મોટો ચાહક છે અભિષેક બચ્ચન. અભિષેક અને ઝીનત અમાનની એક ક્યુટ સ્ટોરી છે. એક ચેટ શો દરમિયાન અભિષેક બચ્ચને ખુલાસો કર્યો કે તેની ફર્સ્ટ લવ કોઈ અન્ય નહીં પરંતુ સેંસેશનલ ઝીનત અમાન હતી. અભિષેક જ્યારે બાળક હતો ત્યારે તે ઝીનતનો ખૂબ પસંદ કરતો હતો. એક ઘટનાને યાદ કરતા અભિષેકે કહ્યું કે તે સમયે પિતા અમિતાભ બચ્ચન સાથે હિમાચલ પ્રદેશમાં ફિલ્મના શૂટિંગમાં સાથે ગયો હતો, જ્યાં તેમની સાથે ઝીનત અમાન પણ હતી. તેમણે કહ્યું કે તે સમયે સેટ પર ઝીનત સાથે રમતો હતો તે સમયે મારી ઉંમર 5 વર્ષની હશે. એક રાત્રે ડિનર બાદ ઝીનત પોતાના રૂમમાં જઈ રહી હતી ત્યારે ઝીનતને અભિષેકે પૂછ્યું કે તે કોની સાથે સૂવા જઈ રહી છે? ત્યારે ઝીનતે તેને જવાબ આપ્યો કે તે એકલી સૂવે છે તે સાંભળી અભિષેક ચોંકી ગયો. તે સમયે અભિષેક બાળક હતો અને તેને એકલા સૂવાનો કોન્સેપ્ટ ખબર હતી. તેટલા માટે તેણે બીજી વખત ભોળપણ સાથે પૂછ્યું કે શું તે તેમની સાથે સૂઈ શકે છે? ત્યારે ઝીનતે મસ્તી ભર્યા અંદાઝમાં જવાબ આપ્યો કે, ‘થોડી ઉંમર મોટી થઈ જવા દે પછી’.

આશુતોષના ડિરેક્શનમાં બની રહેલી ફિલ્મ ત્રીજા પાનીપતના યુદ્ધ પર આધારિત છે. યુદ્ધ 14 જાન્યુઆરી, 1761માં મરાઠા તથા અફઘાની શાસક અહમદ શાહ અબ્દાલીના સૈન્ય વચ્ચે થયું હતું. ફિલ્મમાં અર્જુન કપૂર, ક્રિતિ સેનન તથા સંજય દત્ત છે. આશુતોષ ગોવારીકર દ્વારા ડિરેક્ટ કરવામાં આવી રહેલી ફિલ્મ 6 ડિસેમ્બર, 2019ના દિવસે રિલીઝ થશે.

(5:21 pm IST)
  • હવામાન વિભાગમાં માત્ર ૯ મીમી વરસાદ નોંધાયો : રાજકોટ : શહેરમાં આજે સવારથી હળવા-ભારે ઝાપટા પડી રહ્યા છે ત્યારે રાજકોટ મ્યુનિસિપલ કોર્પોરેશનના આંકડાઓમાં શહેરમાં વિવિધ સ્થળોએ અડધાથી એક ઈંચ જેટલો વરસાદ નોંધાયો છે ત્યારે રાજકોટ સ્થિત હવામાન ખાતામાં માત્ર ૯ મી.મી. વરસાદ નોંધાયો છે. બપોરે ૩ વાગ્યે ૯૨% ભેજ સાથે ૧૮ કિ.મી.ની ઝડપે પવન ફૂંકાય છે. વરસાદી માહોલના પગલે મહત્તમ તાપમાન ગગડ્યુ છે. ૨૭ ડિગ્રી ઉષ્ણતામાન નોંધાયુ છે. access_time 8:49 am IST

  • અંબાજીમાં માર્ગ અકસ્માત : ૩ના મોત બાઈકને અજાણ્યા વાહન ચાલકે ટક્કર મારી : કાઠીયા ગામના એક મહિલા અને બે પુરૂષના સ્થળ પર મોત access_time 5:53 pm IST

  • ડ્રાઈવિંગ લાયસન્સ માટે લઘુતમ શૈક્ષણિક યોગ્યતાની અનિવાર્યતા ખતમ કરશે સરકાર :હાલમાં વાહન ચાલકને લાયસન્સ મેળવવા માટે 8 પાસ હોવું જરૂરી છે;આર્થિક પછાતવર્ગને કામકાજના સંદર્ભે કુશળ લોકોને લાભ પહોંચાડવા બસ,તર્ક,અને માલવાહક,વાહનોના ચાલકો માટે લઘુતમ શૈક્ષણિક યોગ્યતા હટાવવા નિર્ણંય લેવાય શકે છે access_time 12:53 am IST