Gujarati News

Gujarati News

News of Tuesday, 18th June 2019

એક વર્ષમાં બોકસ-ઓફિસ પર ૮૦૦ કરોડ રૂપિયાનો બિઝનેસ કર્યો રણવીર સિંહે

મુંબઇ તા. ૧૮: રણવીર સિંહની ફિલ્મોએ બોકસ-ઓફિસ પર એક વર્ષમાં ૮૦૦ કરોડ રૂપિયાનો બિઝનેસ કર્યો છે. રણવીરની ત્રણ ફિલ્મો જેવી કે સંજય લીલા ભણસાલીની 'પદ્માવત', રોહિત શેટ્ટીની 'સિમ્બા' અને ઝોયા અખ્તરની 'ગલી બોય'એ મળીને બોકસ-ઓફિસ પર ધમાલ મચાવી છે. લોકો પણ તેની લોકપ્રિયતાના કાયલ બન્યા છે અને તેની ફિલ્મોની આતુરતાથી રાહ જોતા હોય છે. આ ત્રણેય ફિલ્મોને મળેલા બિઝનેસ પર પોતાની ફિલ્મનો ડાયલોગ બોલતાં રણવીરે કહ્યું હતું કે, 'મારી સિમ્બા'નો એક ડાયલોગ છે કે હું પૈસાનો નહીં, પરંતુ પ્રેમનો ભૂખ્યો છું. હું આ ફિલ્મોના પ્રોડયુસરો માટે ખુશ છું કે તેમને આ ફિલ્મો દ્વારા સારો એવો પ્રોફિટ મળ્યો. સાથે જ તેમણે મારામાં વિશ્વાસ રાખીને મને સપોર્ટ કર્યો. આ બધા મને ફિલ્મોમાં લઇને ચાન્સ લઇ રહ્યા છે. હું સાથે જ એ વાતથી પણ ખુશ છું કે મારા તરફથી નાનકડું યોગદાન ફિલ્મ ઇન્ડસ્ટ્રીમાં આપી રહ્યો છું. મને ફિલ્મો અને અમારી આ ઇન્ડસ્ટ્રી પસંદ છે. હું ઇન્ડસ્ટ્રીનો લીડર બનવાનું પસંદ કરીશ. હું  ઇન્ડસ્ટ્રીનો ચેમ્પિયન બનવા માગું છું. હું ચાહું છું કે હિન્દી સિનેમા, હિન્દી ફિલ્મોનો બિઝનેસ ખૂબ વિકાસ પામે અને એ વિશાળ બને. હું ઇન્ડસ્ટ્રીમાં યોગદાન આપવા માગું છું કારણ કે આ મારી પણ ઇન્ડસ્ટ્રી છે. ઇન્ડસ્ટ્રીમાં કામ કરીને મારૃં પેટ પાળું છું. હું પણ મારી ફેમિલીને સંભાળું છું. આ મારી રોજીરોટી છે અને મારા જેટલા પણ મિત્રો છે તેઓ પણ આ ઇન્ડસ્ટ્રીનો ભાગ છે. મારી ઇચ્છા છે કે તેઓપણ પ્રગતિ કરે.'

(11:45 am IST)
  • સૌરાષ્ટ્ર-કચ્છ-ગુજરાતમાં ચારેકોર વરસાદના વાવડ : રાજકોટ-ગીરજંગલ-ભાવનગર સહિત સૌરાષ્ટ્રમાં ઠેર-ઠેર વરસાદ પડી રહયાનું -સવારે પડી ગયાનું જાણવા મળે છે. ઉ.ગુજરાતમાં અને કચ્છમાં પણ સારા વરસાદના વાવડ છે. બનાસકાંઠા જીલ્લાના કેટલાક વિસ્તારોમાં વરસાદ પડી રહયો છે. : પાલનપુર, ડીસા, ધાનેરા, દાંતીવાડામાં વરસાદ વાપી અને આસપાસના વિસ્તારોમાં વરસાદ અમરેલી જીલ્લાના ગ્રામ્ય વિસ્તારોમાં વરસાદ રાજુલા જુની માંડરડી આગરીયા, કોટડી, ધારેશ્વરમાં વરસાદ જાફરાબાદના લોર, પીછડી, એભલવડ, માણસામાં વરસાદ : લાઠીમાં પણ ધીમીધારે વરસાદ પાટણમાં પણ વાતાવરણમાં પલટો access_time 1:05 pm IST

  • જૂનમાં સામાન્‍યથી ૪૦ ટકા ઓછો વરસાદ પડશે : હવામાનની એજન્‍સી સ્‍કાયમેટે જણાવ્‍યુ છે કે બે થી ત્રણ દિવસમાં ઉત્તર ભારતમાં વરસાદ શરૂ થશે : અત્‍યાર સુધીમાં મધ્‍ય ભારતમાં સૌથી ઓછો વરસાદ નોંધાયો access_time 4:38 pm IST

  • વાવાઝોડાનો ભય ટળતા કંડલા સહિત સૌરાષ્ટ્ર-કચ્છના બંદરો ઉપરથી ભયજનક સિગ્નલ દૂર કરાયા : વાયુ વાવાઝોડાનો ખતરો ટળ્યો છે અને પવન પણ મંદ પડયો છે ત્યારે કચ્છના કંડલા, મુંદ્રા સહિત સૌરાષ્ટ્રના દરીયા કિનારા ઉપર ભયજનક સિગ્નલ દૂર કરી દેવામાં આવ્યુ છે અને તમામ કામગીરી પૂર્વવત થઈ રહી છે access_time 1:36 pm IST