Gujarati News

વર્ષ ૨૦૧૧માં આવેલી ફિલ્મ ફોર્સમાં જોન અબ્રાહમ અને વિદ્યુત જામવાલ હતાં. વિદ્યુત નવો હતો છતાં તેણે અભિનયથી સોૈના દિલ જીતી લીધા હતાં. એ પછી તેને કમાન્ડો ફ્રેન્ચાઇઝીની બે ફિલ્મો મળી હતી. હવે વિદ્યુત નવી ફિલ્મ 'જંગલી' સાથે આવી રહ્યો છે. આ ફિલ્મ ૧૯ ઓકટોબરના રિલીઝ થવાની હતી. પરંતુ હવે તારીખ આગળ વધારી દેવામાં આવી છે.

કહેવાય છે કે એ જ દિવસે હોલીવૂડની ફિલ્મ 'મોગલી' આવી રહી છે. આ ફિલ્મ સાથે ટક્કર ટાળવા વિદ્યુતની ફિલ્મ પાછળ ધકેલાઇ છે. જંગલી ફિલ્મ સાથે નિર્દેશક ચક રસૈલ સામેલ છે. જેણે અગાઉ હોલીવૂડની બ્લોક બસ્ટર ફિલ્મો ઇરેઝર, ધ સ્કોર્પિયન કિંગ, ધ માસ્ક સહિતની ફિલ્મો આપી છે. જો કે ફિલ્મની તારીખ બદલવા બાબતે સત્તાવાર સમર્થન મળ્યું નથી.