Gujarati News

Gujarati News

News of Friday, 18th January 2019

મારી કારકિર્દીમાં મારા પિતાને શા માટે વચ્ચે લાવો છો: રણવીર સિંહ

મુંબઈ:મોખરાના અભિનેતા રણવીર સિંઘે કહ્યું હતું કે કેટલાક વિઘ્નસંતોષીઓ મારી કારકિર્દી સાથે મારા પિતાનું નામ જોડીને મને અપસેટ કરી રહ્યા હતા.તાજેતરમાં એવી વાત ઊડી હતી કે  રણવીર સિંઘની પહેલી ફિલ્મ ૨૦૧૦માં રજૂ થયેલી યશ રાજની બેન્ડ બાજા બરાતનો સર્જન ખર્ચ રણવીરના પિતાએ આપ્યો હતો કારણ કે એ પોતાના પુત્રને હીરો બનાવવા માગતા હતા.૨૦૧૦માં આવેલી બેન્ડ બાજા બરાત ફિલ્મ પછી છેલ્લાં નવ વર્ષમાં રણવીરે ખાસ્સી લાંબી મજલ કાપી હતી અને બહુ ઓછા સમયમાં એ ટોચના કલાકારોની યાદીમાં સ્થાન મેળવી ચૂક્યો હતો. રણવીરની છેલ્લી ચાર પાંચ ફિલ્મો બોક્સ ઑફિસ પર ટંકશાળ જેવી સાબિત થઇ હતી જેમાં સંજય લીલા ભણસાલીની ત્રણે ત્રણ ફિલ્મો રામલીલા-ગોલિયોં કી રાસલીલા, બાજીરાવ મસ્તાની અને પદ્માવતનો સમાવેશ થયો હતો. જો કે તાજેતરમાં રજૂ થયેલી રણવીરની રોહિત શેટ્ટી નિર્દેશિત ફિલ્મ સિમ્બાએ બોક્સ ઑફિસ પર ધાર્યો બિઝનેસ નોંધાવ્યો નથી એવું તારણ ટ્રેડ પંડિતોએ કાઢ્યું હતું. રણવીર સિંઘે કહ્યું કે મારા પિતાને મારી ફિલ્મ કારકિર્દી સાથે કશી લેવાદેવા નથી તો પછી મારા પિતાને શા માટે વચ્ચે લાવવામાં આવ્યા અને આ વાત કોણે વહેતી કરી એ મને સમજાતું નથી. 

(5:34 pm IST)
  • કોલકતામાં મમતા બેનર્જીની સંયુક્ત ભારત રેલીમાં વિપક્ષી નેતાઓનો જમાવડો :એચડી કુમારસ્વામી , એમ, કે,સ્ટાલિન ,ચંદ્રાબાબુ નાયડુ,ફારૂક અબ્દુલ્લા,અખિલેશ યદાબ પહોંચ્યા :હાર્દિક પટેલ પણ કોલકતા પહોંચ્યો : બસપાના સતિષચંદ્ર મિશ્રા,એનસીપીના શરદ પવાર,આરએલડીના અજીતસિંહ,તેમજ યશવતસિંહા, જીજ્ઞેશ મેવાણી ,જે,વી,એમના બાબુલાલ મરાંડી મંચ પર બિરાજશે access_time 1:08 am IST

  • રાજસ્થાનમાં ખેડૂતોના દેવામાફી મામલે મુખ્યમંત્રી અને વિપક્ષ નેતા વચ્ચે વાક્યુદ્ધ : વિરોધપક્ષના નેતા ગુલાબચંદ કટારીયાએ દેવામાંફીને લંગડા આદેશ કહેતા ખુદ મુખ્યમંત્રી અશોક ગેહલોટએ મોરચો સાંભળ્યો : ગેહલોટએ કહ્યું કે લંગડી વિચારવાળા જ ખેડૂતોના દેવામાંફીને લંગડા આદેશ કહી શકે છે access_time 12:44 am IST

  • આપ અને કોંગ્રેસ વચ્ચે ગઠબંધન નહીં થાય ;આપ એકલી લોકસભા ચૂંટણી લડશે ;કોંગ્રેસે કહ્યું અમારા રાજ્ય એકમો પહેલાથી ગઠબંધનના વિરુદ્ધમાં હતા ;આમ આદમી પાર્ટીના દિલ્હીના સંયોજક ગોપાલરાયે કહ્યું કે અમે દિલ્હી,પંજાબ અને હરિયાણામાં એકલા હાથે ચૂંટણી લડશું access_time 12:59 am IST