Gujarati News

Gujarati News

News of Friday, 18th January 2019

ભૂમિ પેડનેકર ૪૫ દિવસ સુધી રૂમમાં પુરાઇ રહી!

મુંબઇ તા. ૧૮: દમ લગા કે હઇસા, શુભ મંગલ સાવધાન, લસ્ટ સ્ટોરીસ, ટોઇલેટ-એક પ્રેમકથા જેવી ફિલ્મો અને સિરીઝ થકી જાણીતી અભિનેત્રી ભૂમિ પેડનેકર હવે ૭૦ના દસકની ફિલ્મ 'સોનચિડીયા'માં ચંબલની રહેવાસી યુવતિના રોલમાં જોવા મળવાની છે. ભૂમિએ પહેલેથી જ પોતાની અભિનય ક્ષમતા સાબીત કરી દીધી છે. આ ફિલ્મમાં તેને મળેલા રોલને પુરેપુરો ન્યાય આપવા માટે ભૂમિ પોતે બધાથી સાવ અલગ થઇ ગઇ હતી અને એ પણ ૪૫ દિવસ સુધી!

ભૂમિએ આ બાબતે કહ્યું હતું કે મેં મારા પાત્રને સમજવા માટે મારી જાતને ૪૫ દિવસ સુધી દુનિયાથી અલગ કરી લીધી હતી. આ અભિનય કાયાપલટની એક પ્રક્રિયા છે, જેમાં પોતાને ભુલીને બીજી વ્યકિત બનવાનો પ્રયાસ કરવાનો હોય છે. સોનચિડીયાના રોલ માટે મારે આમ કરવું પડ્યું છે. મારા પાત્રના માનસ અને વ્યવહારને સમજવા મારે રૂમમાં પુરાઇ રહેવું પડ્યું હતું. જ્યાં સુધી હું પાત્રમાં ઢળી ન ગઇ ત્યાં સુધી હું ઘરમાં જ રહી હતી. આ પાત્ર માટે હું બુંદેલખંડી ભાષા પણ શીખી છું. નિર્માતા રોની સ્ક્રુવાલાની આ ફિલ્મનું નિર્દેશન અભિષેક ચોૈબેએ કર્યુ છે. સુશાંતસિંહ રાજપૂત, મનોજ બાજપેયી, રણવીર શોૈરી, આશુતોષ રાણા સહિતના કલાકારો ડાકૂઓની કહાનીમાં જોવા મળશે.

 

(12:00 pm IST)
  • વિપ્રોના ત્રીજા ક્વાર્ટરનો પ્રોફિટ 2545 કરોડ રૂપિયા : ગયા વર્ષની સરખામણીમાં 32 ટકાનો વધારો : 3 શેરદીઠ 1 શેરનું બોનસ જાહેર કર્યું : વચગાળાનું ડિવિડન્ડ પણ જાહેર કરતા રોકાણકારો ખુશખુશાલ access_time 7:24 pm IST

  • બિહારમાં ચૂંટણી પંચે રાજકીય પક્ષોને કહ્યું કે ઇવીએમને ફૂટબોલ નહિ બનાવો : ભાજપ અને જેડીયુને ઝાટકી નાખ્યું :રાજદ અને ડાબેરીઓને પણ ખખડાવ્યા :લોકસભા ચૂંટણીની તૈયારી માટે બે દિવસ પટના પહોંચ્યું ચૂંટણી પંચ દ્વારા ચારેય પક્ષોની મુખ્યમાંગ ફગાવી :ચૂંટણી આયોગ પાસે ભાજપ અને જેડીયુએ મતદાતા પત્ર સાથે મતદાતા ઓળખકાર્ડ અનિવાર્ય બનાવવા માંગ કરી હતી :રાજદ અને સીપીઆઇએમએ ઇવીએમને બદલે બેલેટ પેપરથી મતદાન કરાવવા માંગ હતી access_time 12:53 am IST

  • ગોધરામાં વરલીના જુગાર ઉપર સ્ટેટ મોનીટરીંગ સ્કવોડ ત્રાટકીઃ પીએસઆઈ કે.એન. લાઠીયા અને ટીમે જુગટુ ખેલતા ૧૧ આરોપીઓને રૂ. ૧ લાખથી વધુના મુદ્દામાલ સાથે ઝડપી લીધાઃ સંવેદનશીલ વિસ્તારમાં દરોડાના પગલે લોકોના ટોળા એકઠા થયાઃ ખળભળાટ access_time 3:15 pm IST