Gujarati News

Gujarati News

News of Friday, 18th January 2019

આજથી 'વ્હાય ચીટ ઇન્ડિયા','ફ્રૌડ સૈંયા' અને 'રંગીલા રાજા'રિલીઝ

આજથીત્રણ ફિલ્મો 'વ્હાય ચીટ ઇન્ડિયા', 'ફ્રોૈડ સૈંયા' અને  'રંગીલા રાજા' રિલીઝ થઇ છે.

નિર્માતા ભુષણ કુમાર, કિશન કુમાર, તનુજ ગર્ગ, અતુલ કાસબેકર, પ્રવીણ હાસમી અને નિર્દેશક સોૈમિક સેનની ફિલ્મ 'વ્હાય ચીટ ઇન્ડિયા'માં સંગીત રોચક કોહલી, ગુરૂ રંધાવા, કુણાલ રંગૂન, અગ્નિ અને સોૈમિક સેનનું છે. ફિલ્મમાં ઇમરાન હાસમી અને શ્રેયા ધન્વંતરીની મુખ્ય ભૂમિકા છે. કોમેડી ડ્રામા પ્રકારની આ ફિલ્મમાં ભારત દેશની આજની શિક્ષણ વ્યવસ્થા અને શિક્ષણના નામ પર થઇ રહેલા ખોટા ધંધાઓ પર ખુબ કટાક્ષ કરવામાં આવ્યા છે. ઇમરાન હાસમી પહેલી જ વખત  અલગ પ્રકારની ભૂમિકામાં જોવા મળશે. આ ફિલ્મનું નામ પહેલા ચીટ ઇન્ડિયા રખાયું હતું. પણ સેન્સર બોર્ડએ વાંધો ઉઠાવતાં રાતોરાત 'વ્હાય ચીટ ઇન્ડિયા' નામ રાખવામાં આવ્યું હતું. ઇમરાન હાસમી એવા યુવાનના રોલમાં છે જે નોકરી અપાવવાના બહાને ઠગાઇ કરતો હોય છે.

બીજી ફિલ્મ 'ફ્રોૈડ સૈંયા'ના નિર્માતા દિશા પ્રકાશ ઝા, કનિષ્ક ગંગવાલ અને નિર્દેશક સોૈરભ શ્રીવાસ્તવ છે. ફિલ્મમાં સંગીત સોહેલ સેનનું છે. અરશદ વારસી, સોૈરભ શુકલા, સારા લોરેન, ફલોરા સૈની, એલી અવીરામની મુખ્ય ભૂમિકા છે. ફ્રોડ સૈંયાની કહાની ભોલા પ્રસાદ ત્રિપાઠી (અરશદ વારસી)ની છે, જે પોતાની જાતને ખુબ ચાલાક સમજે છે. તેની અનેક પત્નિ છે તેની વચ્ચે તે ઘુમતો રહે છે. ભોલા પ્રસાદ લગ્ન કર્યા બાદ પત્નિના દાગીના પૈસા લઇને ભાગી જાય છે અને બીજા લગ્ન કરી લે છે. પણ તેની મુશિબત ત્યારે શરૂ થાય છે જ્યારે તે એક જાસૂસ અને પત્નિઓ વચ્ચે ફસાઇ જાય છે. પત્નિઓને સાચવવાના ચક્કરમાં ભોલા પ્રસાદ કેવો ફસાય છે તેની વાત કોમેડી થકી રજૂ કરવામાં આવી છે.

ત્રીજી ફિલ્મ 'રંગીલા રાજા'ના નિર્માતા  પહલાજ નિહલાની અને નિર્દેશક સિકંદર ભારતી છે. ફિલ્માં સંગીત ઇશ્વર કુમારનું છે. ગોવિંદા, મિશિકા ચોૈરસીયા, દિગાંગના સૂર્યવંશી, અનુપમા અગ્નિહોત્રી, શકિત કપૂર, પ્રેમ ચોપડા, ગોવિંદ નામદેવ સહિતના કલાકારો છે. ફિલ્મની કહાની રાજસ્થાનમાં રહેતાં બે ભાઇઓ વિજેન્દ્ર પ્રતાપસિંહ (ગોવિંદા) અને અજય પ્રતાપસિંહ (ગોવિંદા)ની છે. એટલે કે ગોવિંદા ડબલ રોલમાં છે. બંને ભાઇઓની જિંદગી જીવવાની રીત અલગ છે. વિજેન્દ્ર બિઝનેસમેન છે તો અજય યોગી છે. બંને ભાઇઓ પોતાની જિંદગીમાં મસ્ત છે. પણ સયમ અચાનક બદલાય છે અને એવી સ્થિતિ ઉભી થાય છે કે વિજેન્દ્ર તેમાં ફસાઇ જાય છે. આ વાતની જાણ નાના ભાઇ અજયને થતાં જ તે મોટા ભાઇની જિંદગી ફરીથી પાટે ચડાવવા માટે જવાબદારી ઉઠાવે છે. ગોવિંદાએ આ પહેલા પણ કમબેક કરવા એક ફિલ્મ કરી હતી. પરંતુ એ ફિલ્મ કયારે આવીને જતી રહી તેની પણ ખબર પડી નહોતી. હવે આ ફિલ્મની હાલત શું થાય છે તે બે-ત્રણ દિવસમાં ખબર પડી જશે.

(9:36 am IST)
  • ભાજપના સાંસદ શત્રુઘ્નસિંહાએ કહ્યું કે રાષ્ટ્ર મંચના પ્રતિનિધિ તરીકે મમતા બેનર્જીની રેલીમાં જઈશ ; શત્રુઘ્નસિંહાએ કહ્યું કે હજુ સુધી પાર્ટી પ્રત્યે મારી વફાદારી પર સવાલ કરી શકાય નહીં,હું ભાજપમાં ત્યારે સામેલ થયો હતો જયારે તે બે સાંસદની પાર્ટી હતી access_time 1:18 am IST

  • આપ અને કોંગ્રેસ વચ્ચે ગઠબંધન નહીં થાય ;આપ એકલી લોકસભા ચૂંટણી લડશે ;કોંગ્રેસે કહ્યું અમારા રાજ્ય એકમો પહેલાથી ગઠબંધનના વિરુદ્ધમાં હતા ;આમ આદમી પાર્ટીના દિલ્હીના સંયોજક ગોપાલરાયે કહ્યું કે અમે દિલ્હી,પંજાબ અને હરિયાણામાં એકલા હાથે ચૂંટણી લડશું access_time 12:59 am IST

  • વિપ્રોના ત્રીજા ક્વાર્ટરનો પ્રોફિટ 2545 કરોડ રૂપિયા : ગયા વર્ષની સરખામણીમાં 32 ટકાનો વધારો : 3 શેરદીઠ 1 શેરનું બોનસ જાહેર કર્યું : વચગાળાનું ડિવિડન્ડ પણ જાહેર કરતા રોકાણકારો ખુશખુશાલ access_time 7:24 pm IST