Gujarati News

Gujarati News

News of Saturday, 17th November 2018

ચીનમાં રજૂ થશે ફિલ્મ 102 નોટઆઉટ

મુંબઈ:મેગાસ્ટાર અમિતાભ બચ્ચન અને રિશિ કપૂરને ચમકાવતી ફિલ્મ ૧૦૨ નોટ આઉટ આ માસની આખરે ચીનમાં રિલિઝ થવાની છે એવી જાણકારી મળી હતી.મૂળ સૌમ્ય જોશીના આ જ ટાઇટલ ધરાવતા ગુજરાતી નાટક પરથી બનેલી આ ફિલ્મને બોક્સ ઑફિસ પર ધમાકેદાર આવકાર મળ્યો નહોતો. જો કે ફિલ્મ સર્જન પાછળ થયેલા ખર્ચ કરતાં વધુ અને સારી આવક આ ફિલ્મ રળી હતી.હવે આ ફિલ્મ નવેંબરની ૩૦મીએ એટલે કે આ માસની આખરે ચીનમાં મેન્ડેરીન સબટાઇટલ્સ સાથે રજૂ થવાની છે. બોલિવૂડના મિસ્ટર પરફેક્શનિસ્ટ આમિર ખાનની થ્રી ઇડિયટ્સ, પીકે અને દંગલ ફિલ્મે ચીનમાં ધૂમ બિઝનેસ કર્યા પછી ભારતીય ફિલ્મો માટે ચીનમાં એક નવું માર્કેટ સ્થપાઇ ગયું હતું. તાજેતરમાં સલમાન ખાનની પણ બેએક ફિલ્મો ત્યાં રજૂ થઇ હતી.હવે ૧૦૨ નોટ આઉટ ચીનમાં રજૂ થવાની છે. જોઇએ, આમિર ખાન અને સલમાન ખાનની તુલનાએ ઉમેશ શુક્લ નિર્દેશિત આ ફિલ્મ તેમજ  અમિતાભ બચ્ચન અને રિશિ કપૂરને કેવોક આવકાર સાંપડે છે.

(5:14 pm IST)
  • દાહોદ શેસન્સ કોર્ટ સાથે છેતરપિંડી કરનાર વકીલની ધરપકડ:અકસ્માત સબંધી વળતર મળી ગયા છ્ત ફરીથી વળતર માટે અરજી કરતાં વકીલ સામે ગુનો દાખલ:વકીલ એ.ડી.સતનામી વિરુદ્ધ દાહોદ રૂરલ પોલીસ મથકે ફરિયાદ નોધાઈ:પોલીસે આરોપી વકીલ ની ધરપકડ કરી બે દિવસના રીમાન્ડ મેળવ્યા access_time 10:42 pm IST

  • પંચમહાલ :ગોધરા તાલુકાના ઓરવાડા ગામમાં બન્યો લૂંટનો બનાવ :ઓરવાડા ગામનો વેપારી લૂંટાયો :ઓરવાડા ગામના જથ્થાબંધ કરિયાણાના વેપારીને પાંચ અજાણ્યા ઈસમોએ લૂંટયો :વેપારી દુકાન બંધ કરી જતા હતા તે સમયે દુકાનની બહાર કારમાં બેસતાની સાથે જ લૂંટારો ત્રાટકયા: કારમાં મુકેલી 1 લાખ ઉપરાંતની રોકડ લૂંટી લૂંટારા ફરાર :લૂંટારુઓએ એરગન બતાવી ચલાવી લૂંટ:હાલ પોલીસ ઘટના સ્થળે પહોંચી વધુ તપાસ હાથ ધરી access_time 10:38 pm IST

  • સુરતના પલસાણા ખાતે થયેલ હત્યાનો ભેદ ઉકેલાયો:પલસાણા જોળવા ગામે નંદલાલ ગુપ્તા નામના યુવકની થઇ હતી હત્યા: લોખંડના પાઇપ મારી કરવામાં આવી હતી હત્યા:SOG પોલીસે હત્યાના આરોપીઓને ઝડપી પાડ્યા:હત્યા કરનાર મુર્તકની પત્ની, પુત્ર અને સાળો જ નીકળ્યા:ન જેવી બાબતે ઝગડો થયાં બાદ દિવાળીના દિવસે નંદલાલ ગુપ્તાની કરાઈ હતી હત્યા:પોલીસે હત્યામાં સામેલ પત્નીની કરી ધરપકડ, જ્યારે પુત્ર અને સાળા ને વોન્ટેડ જાહેર કર્યા access_time 10:44 pm IST