Gujarati News

મુંબઈ: વર્ષ 1975 માં રિલીઝ થયેલી કોમેડી ફિલ્મ ચૂપકે ચૂપકેની રીમેક બની રહી છે. ક્લાસિક કોમેડી ફિલ્મ અમિતાભ બચ્ચન અને ધર્મેન્દ્ર મુખ્ય ભૂમિકામાં હતી. આ ફિલ્મ તે વર્ષની સુપરહિટ ફિલ્મ હતી. ફિલ્મના અન્ય પાત્રોએ પણ જબરદસ્ત કામ કર્યું હતું.રાજકુંમર રાવ કહે છે કે સુપરહિટ ફિલ્મ ચૂપકે ચૂપકેની રિમેકમાં ધેમેન્દ્રનું પાત્ર ભજવવું તેમની માટે મોટી જવાબદારી છે. આ ફિલ્મમાં રાજકુમાર પ્રોફેસર પરિમલ ત્રિપાઠીની ભૂમિકામાં જોવા મળશે. અસલ ફિલ્મમાં આ પાત્ર ધર્મેન્દ્ર દ્વારા ભજવ્યું હતું. ફિલ્મની બાકીની સ્ટારકાસ્ટ હજી જાહેર થઈ નથી. રાજકુમાર આ ફિલ્મનું શૂટિંગ જલ્દીથી શરૂ કરવા માંગે છે.અહેવાલો અનુસાર રાજકુમ્મર રાવે આ ફિલ્મ માટે 9 કરોડ ફી માંગી છે. જો આ વસ્તુ સાચી સાબિત થાય છે, તો તે રાજકુમારને ચૂકવવામાં આવેલી સૌથી વધુ ફી હશે. અહેવાલો અનુસાર, રાજકુમારે ફિલ્મ 'સ્ત્રી' ની સફળતાથી તેની ફીમાં વધારો કર્યો છે.