Gujarati News

Gujarati News

News of Thursday, 17th September 2020

ફરી શરૂ થશે શોભિતાની ફિલ્મનું શુટીંગ

અભિનેત્રી શોભિતા ધુલિપાલાની ફિલ્મનું શુટીંગ ફરીથી શરૂ થવાનું છે. શોભિતા રોની સ્ક્રુવાલાની ફિલ્મ 'સિતારા'માં મુખ્ય ભુમિકા નિભાવી રહી છે. તેની સાથે આ ફિલ્મમાં રાજીવ સિધ્ધાર્થ છે. ફિલ્મના પ્રથમ શેડ્યુલનું શુટીંગ મુંબઇમાં પુરૂ થઇ ગયું હતું. પરંતુ એ પછી લોકડાઉન આવી જતાં આગળનું કામ અટકી ગયું હતું. હવે આ ફિલ્મને ડિજીટલ પ્લેટફોર્મ પર રિલીઝ કરવાનો નિર્ણય લેવાઇ ચુકયો છે. સિતારામાં એક સ્વતંત્ર યુવા ઇન્ટિરીયર ડિઝાઇનર અને એક શેફની લવસ્ટોરી જોવા મળશે. આ કપલર તેની રિલેશનશીપમાં શું વાંધો છે તે શોધી કાઢે છે. ત્યારબાદ તેને સફળ બનાવવાનો પ્રયાસ કરે છે. અગાઉ અનેક ફિલ્મોમાં પ્રોડકશન ડિઝાઇનરનું કામ કરી ચુકેલી વંદના કટારીયા આ ફિલ્મનું નિર્દેશન સંભાળી રહ્યા છે. સ્ક્રીનપ્લે પણ સોનીયા બહેલ સાથે મળીને વંદનાએ લખ્યો છે. ડાયલોગ હુશેન દલાલ અને અબ્બાસ દલાલે લખ્યા છે. રોની કહે છે આ ફિલ્મમાં પ્રેમ, પ્રશંસા, સ્વીકાર, માફી અને છુટકારાની વાત છે. અતરંગી પરિવારની આ સ્ટોરી અમે લોકો સામે મુકીશું. શોભિતા કહે છે સિનેમા જગતમાં નવીનતા લાવવા આ એક નાનકડી પહેલ છે. શુટીંગ નવેમ્બરમાં શરૂ થશે.

(10:00 am IST)
  • પેટ્રોલ ડીઝલના ભાવમાં સતત પાંચમા દિવસે ઘટાડો : પેટ્રોલમાં 25 પૈસા અને ડીઝલનાં ભાવમાં પ્રતિ લિટરે 38 પૈસાનો ઘટાડો : નવો ભાવ સવારે છ વાગ્યાથી લાગુ થશે. access_time 11:34 pm IST

  • જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના નેતા નરેન્દ્રભાઈ દવે સહિતના પરિવારજનોને કોરોના : કેએસપીસીના પ્રમુખ મહાત્મા ગાંધી લેબર ઈન્સ્ટીટ્યુટના વાઈસ ચેરમેન અને દેશના જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના પ્રાતસહઃ વ્યવસ્થા પ્રમુખ નરેન્દ્રભાઈ દવે સહિતના પરિવારને કોરોના પોઝીટીવ : ચિંતાની લાગણી access_time 11:19 am IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST