Gujarati News

Gujarati News

News of Tuesday, 17th September 2019

ખબર જ ન પડી સમય કેમ વીતી ગયોઃ સોનાક્ષી

બોલીવૂડમાં દબંગ ગર્લ તરીકે ઓળખાતી સોનાક્ષી સિન્હાએ અહિ નવ વર્ષ પુરા કરી લીધા છે. તેણે કહ્યું હતું કે હજુ તો એમ જ લાગે છે કે જાણે કાલે જ કામ શરૂ કર્યુ હોય. ૨૦૧૦માં સલમાન ખાન સાથે દબંગ ફિલ્મથી અભિનય કારકિર્દી શરૂ કરનાર સોનાક્ષીએ એ પછી અનેક પ્રકારના રોલ નિભાવ્યા છે. ૩૨ વર્ષની સોનાક્ષીએ સોશિયલ મિડીયા પર મેસેજ પોસ્ટ કર્યો હતો કે બરાબર નવ વર્ષ પહેલા ૨૦૧૦માં દબંગ રિલીઝ થઇ હતી. ત્યારે મેં સોૈનું મનોરંજન કરવામાં સક્ષમ સાબિત થવાની ખુબસૂરત સફરની શરૂઆત કરી હતી. ઇમાનદારીથી કહુ તો મને નથી ખબર કે સમય કેવી રીતે પસાર થઇ ગયો!  અભિનેતા અને રાજનેતા શત્રુઘ્ન સિન્હાની દિકરી સોનાક્ષીએ રાઉડી રાઠોડ, સન ઓફ સરદાર, દબંગ-૨, હોલીડે, એ સોલ્જર ઇઝ નેવર ઓફ ડ્યુટી, લૂટેરા, અકીરા સહિતની ફિલ્મો કરી છે. હવે તે દબંગ ફ્રેન્ચાઇઝીની ત્રીજી ફિલ્મમાં જોવા મળશે. જેનું નિર્દેશન પ્રભુદેવાએ કર્યુ છે. સોનાક્ષીની છેલ્લી ફિલ્મ ખાનદાની સફાખાના ખાસ કમાલ દેખાડી શકી નહોતી.

(10:17 am IST)
  • નાણામંત્રી હજુ ચોથો બુસ્ટર ડોઝ જાહેર કરે તેવી શકયતા : અર્થતંત્રને દોડતું કરવા નાણામંત્રી સીતારામન વધુ એક બુસ્ટર ડોઝ જાહેર કરે તેવી શકયતા છેઃ પ્રસ્તાવને મંજૂરીની જોવાતી રાહઃ આ રાહત લીકવીડીટી વધારવા તથા નિવેશમાં વેગ લાવવા માટે હશેઃ ઓટો સેકટરમાં સ્ક્રેપેજ સ્કીમ પણ લવાશે access_time 4:23 pm IST

  • માથેરાન સહિત કોંકણના પટ્ટામાં ભારે વરસાદ : મુંબઇઃ આજે સવાર સુધીમાં હિલસ્ટેશન માથેરાનમાં ૪ ઇંચ, કલ્યાણ ૪ ઇંચ, ભીવંડી ૩ાા ઇંચ, પનવેલ ૩ ઇંચ, ઉલ્હાસનગર ૨ાા ઇંચ, થાણે ૩૧ ઇંચ, નવી મુંબઇ - ધાંસોલી ૨ ઇંચ સાથે કોંકણના ઉતર-મધ્યના ભાગોમાં ભારે વરસાદ પડયો છે. access_time 1:19 pm IST

  • કોંગ્રેસના વચગાળાના અધ્યક્ષા સોનિયા ગાંધીએ વડાપ્રધાન નરેન્દ્રભાઈ મોદીને ૭૦માં જન્મદિનની શુભેચ્છા આપી access_time 1:23 pm IST