Gujarati News

લાંબા સમયથી બોલીવૂડના પરદેથી દૂર કંગના રનોૈત હવે ઝાંસીની રાણી લક્ષ્મીબાઇની કહાની સાથે આવશે. 'મણિકર્ણિકા-ધ કવીન ઓફ ઝાંસી' નામની ફિલ્મમાં કંગના મહારાણી લક્ષ્મીબાઇના રોલમાં છે. આ ફિલ્મનું મોટા ભાગનું શુટીંગ કંગનાએ પુરૂ કરી લીધું છે. આ ફિલ્મ માટે તેણે ભરપુર મહેનત કરી છે. ઘોડેસવારી અને તલવારબાજી પણ શીખ્યા છે. કંગના પહેલેથી જ પોતાના અભિનય થકી દર્શકોના દિલ જીતી રહી છે. તે કહે છે રાણીની ભૂમિકા નિભાવીને હું રોમાંચીત થઇ ગઇ છું. હું રાણી લક્ષ્મીબાઇની તાકાત વિશે જ વિચારતી રહુ છું અને એ મુજબ જ રોલને ન્યાય આપવા મહેનત કરુ છું. મેં મહારાણીની બહાદુરીની કહાનીને દર્શાવવા ખુબ પ્રયાસ કર્યો છે. ફિલ્મનું પોસ્ટર રિલીઝ થઇ ગયું છે. ૨૫મી જાન્યુઆરીના રોજ ફિલ્મ રિલીઝ થશે.