Gujarati News

આમિર ખાને તાજેતરમાં કહ્યું હતું કે તે હોલીવૂડની ફિલ્મ 'ફોરેસ્ટ ગમ્પ'ની હિન્દી રિમેક બનાવશે, જેનું નામ 'લાલસિંહ ચઢ્ઢા' હશે. હવે આ ફિલ્મ બાબતે નવી વાત સામે આવી છે. ફિલ્મમાં આમિર ખાન સાથે કરીના કપૂર જોવા મળી શકે છે. જો આમ થશે તો થ્રી ઇડિયટ્સ અને તલાશ પછી આ બંને ત્રીજી વખત સાથે જોવા મળશે. કરીના કપૂર હાલમાં તેની ફિલ્મ અંગ્રેજી મિડીયમનું લંડનમાં શુટીંગ કરવા માટે ગઇ હતી. એ પછી તે ડાન્સ રિયાલીટી શોના શુટીંગમાં જોડાવાની હતી. હજુ એ સ્પષ્ટ નથી કે કરીના આમિર સાથે આ ફિલ્મ કરશે કે નહિ? જો કે આમિરની ઇચ્છા છે કે કરીના આ ફિલ્મ સાથે જોડાય. કરીના અક્ષય કુમાર, કિયારા અડવાણી અને દિલજીત દોસાંજ સાથે ગૂડ ન્યુઝ કરી રહી છે અને ધર્મા પ્રોડકશનની મલ્ટી સ્ટારર ફિલ્મ તખ્ત પણ તેની પાસે છે.