Gujarati News

Gujarati News

News of Monday, 17th May 2021

ગોરવ અનુભવી રહી છે ભૂમિ

અભિનેત્રી ભૂમિ પેડનેકર કોરોનાને માત આપીને બહાર આવ્યા પછી કોરોના સંક્રિમતોની મદદમાં જોડાઇ ગઇ હતી. તેણે કોવિડ વોરિયર નામથી સોશિયલ મિડીયા પર કામ શરૂ કર્યુ હતું. ભૂમિએ કહ્યું હતું કે બીજા લોકોને બચાવવા માટે જે રીતે ભારતીય લોકો એક બની રહ્યા છે એના માટે હું ગોૈરવ અનુભવી રહી છું. મહામારીએ આપણને એ રીતે એકઠા થવા પ્રેરણા આપી છે જેવા આપણે અગાઉ કદી નહોતાં. સંકટ અને દુઃખના સમયમાં આપણે બધા એક થઇ ગયા છીએ. આપણે એ લોકો માટે પ્રાર્થના કરી રહ્યા છીએ જેને આપણે જાણતા પણ નથી. જિંદગીઓને બચાવવા માટે, માનવતા માટે આપણે એકઠા થઇ ગયા છીએ. દરેક ભારતીય ધન્યવાદને પાત્ર છે. જેઓ બીજા નાગરિકો અને જરૂરિયાતમંદોને બચાવવા આગળ આવ્યા છે. એક ભારતીય નાગરિક તરીકે મને આ વાતનું ખુબ ગોૈરવ છે. ભૂમિ લોકોને શકય એટલી તમામ મદદ કરવા પ્રયાસ કરી રહી છે. સોશિયલ મિડીયાનો ઉપયોગ કરી તે અનેક લોકોને મદદ કરી શકી છે. તે કહે છે આ વાયરસ પર આપણે ચોક્કસ જીત મેળવીશું.

(10:16 am IST)
  • આજે રાજકોટ શહેર - જિલ્લામાં કોરોનાની પરિસ્થિતિ માં ભારે રાહત : આજે સાંજ સુધીમાં રાજકોટ શહેરમાં 119 અને ગ્રામ્યના 160 કેસ સાથે કુલ ફક્ત 279 નવા કોરોના ના કેસ નોંધાયા access_time 7:34 pm IST

  • જૈશ-એ-મોહમ્મદના એક આતંકવાદીની દિલ્હીમાંથી ધરપકડ કરવામાં આવી છે, જે વિવાદાસ્પદ પૂજારી સ્વામી યેતી નરસિમ્હાનંદની હત્યાનું કાવતરું ઘડી રહ્યો હતો. આરોપીની ઓળખ જાન મોહમ્મદ ડાર તરીકે થઈ છે. તે કાશ્મીરના પુલવામાનો છે અને દિલ્હીના પહાડગંજની એક હોટલમાં રોકાયો હતો. દિલ્હી પોલીસને આ આતંકી પાસેથી કેસરી ઝભ્ભો, સફેદ પાજામો, કલાવા, મણકો, ચંદન અને કુમકુમ મળી આવ્યું છે. ડારના કબજામાંથી .30 બોરની પિસ્તોલ અને બે મેગેઝીન મળી પણ આવ્યા છે, જેમાં 15 જીવંત કારતુસ છે. પ્રારંભિક પૂછપરછમાં જાન મોહમ્મદ ડારે ખુલાસો કર્યો હતો કે તેને આતંકી સંગઠન દ્વારા પુજારીની હત્યા કરવાનું કહેવામાં આવ્યું હતું. access_time 6:20 pm IST

  • મુંબઈમાં ભારે વરસાદ પડી રહ્યો છે અને મુંબઇ 100 કિ.મી. પ્રતિ કલાકની ઝડપે ભારે પવન ફૂંકાઈ રહ્યો છે. હાલમાં મુંબઇમાં NDRFની ત્રણ ટીમો તૈનાત કરવામાં આવી છે અને 5 ટીમો એલર્ટ પર છે. મુંબઈમાં 5 સ્થાનો પર અસ્થાયી આશ્રય ઘરો બનાવવામાં આવ્યા છે, જેથી લોકોને જરૂર પડે તો અહીં સ્થળાંતર કરી શકાય. વેસ્ટર્ન મુંબઈમાં NDRFની ત્રણ ટીમો અને પૂરથી સુરક્ષા માટે ફાયર બ્રિગેડની 6 ટીમો પણ તૈનાત કરવામાં આવી છે. અહીં બપોરે 2 વાગ્યા સુધી એરપોર્ટ પણ બંધ કરવાની જાહેરાત કરવામાં આવી છે. access_time 5:28 pm IST