Gujarati News

Gujarati News

News of Thursday, 17th May 2018

'દબંગ-3'ની રિલીઝ ડેટમાં થયો ફેરફાર

મુંબઈ: સુપર સ્ટાર સલમાન ખાનની હિટ સિરિઝ દબંગની ત્રીજી કડી મૂળ યોજના કરતાં લંબાઇ જાય એવી શક્યતા હોવાની માહિતી મળી હતી. સલમાનની નિકટનાં સૂત્રોએ જણાવ્યા મુજબ હાલ સલમાન સામે ૧૯૯૮માં કરેલા કાળિયારના કહેવાતા ગેરકાયદે શિકારનો કેસ જોધપુરની કોર્ટમાં ચાલી રહ્યો છે જેમાં સલમાને કોર્ટના આદેશ મુજબ અવારનવાર હાજરી આપવા જવું પડશે. 

 


હાલ સલમાન પાસે ત્રણ મોટી ફિલ્મો છે- રેસ થ્રી, ટાઇગર જિંદા હૈ ફેમ ડાયરેક્ટર અલી અબ્બાસ ઝફરની ભારત અને સલમાનની પોતાની સુપરહિટ સિરિઝ દબંગની ત્રીજી કડી. ત્રણમંા રેસ થ્રી તો પૂરી થવા આવી છે અને મંગળવારે એનું ટ્રેલર રિલિઝ કરાયું હતું. ફિલ્મ ચાલુ વર્ષની ઇદ પર રજૂ કરવાની સલમાનની યોજના છે. બીજી ફિલ્મ અલી અબ્બાસ ઝફરની ભારત શરૃ થઇને વર્ષની આખર સુધીમાં પૂરી કરવાની અલીની યોજના છે. પરંતુ ખરો સવાલ ત્રીજી ફિલ્મનો છે. ફિલ્મ એટલે સલમાનની પોતાની દબંગ થ્રી. 
સિરિઝની પહેલી બે કડીનું ડાયરેક્શન સલમાનના ભાઇ અભિનેતા અરબાઝ ખાને કર્યું હતું. પરંતુ ત્રીજી કડીનું ડાયરેક્શન સલમાને રેમો ડિસોઝાને સોંપ્યંુ છે. દિશામાં લેટેસ્ટ માહિતી મુજબ સલમાને પોતાની સામેના કોર્ટ કેસને ધ્યાનમાં રાખીને ફિલ્મ આવતા વરસે રજૂ કરવાનો મનોમન નિર્ણય કરી લીધો હતો એટલે ફિલ્મ વર્ષના ઉત્તરાર્ધમાં ફ્લોર પર જવાની શક્યતા છે. આવતા વર્ષના આરંભ સુધીમાં પૂર્ણ થાય તો આવતા વરસે સ્વાતંત્ર્ય દિને એને રજૂ કરવામાં આવશે. જો યોજના અમલમાં મૂકાય તો દબંગ થ્રી રણબીર કપૂર અને આલિયા ભટ્ટની બ્રહ્માસ્ત્ર સાથે બોક્સ ઑફિસ પર ટકરાશે.

(3:03 pm IST)
  • કોંગી ધારાસભ્યને ઇડીના દરોડાની ધમકી અપાઇ : જેડીએસના મુખિયા કુમારસ્વામીનો ધડાકોઃ બેંગલુરૂના રિસોર્ટમાંથી ગુમ થયેલ કોંગી ધારાસભ્ય આનંદસિંઘને ''ઇડી''ના દરોડાની ધમકી આપવામા આવી હતી. access_time 4:26 pm IST

  • કર્ણાટકના કોંગ્રેસના એક ધારાસભ્ય રીસોર્ટમાંથી બહાર નીકળતા રાજકીય ગરમાવો : હોર્સ ટ્રેડીંગથી બચવા કોંગ્રેસે તેના ધારાસભ્યોને ઈગલટન રીસોર્ટમાં રાખ્યા હતા : જયાંથી ધારાસભ્ય રાજશેખર પાટીલ ખરાબ તબિયતનું કારણ આપી બહાર નીકળી જતાં કર્ણાટકના રાજકારણમાં ગરમાવો આવી ગયો છે access_time 6:10 pm IST

  • કર્ણાટક કોંગ્રેસના ફૂટ : કોંગ્રેસના વરિષ્ઠ નેતા અને વિધાનસભાના પૂર્વ અધ્યક્ષ કે. બી. કોલીવાડએ કહ્યું સિદ્ધારામૈયા અસલમાં કોંગ્રેસી નથી : સિદ્ધારામૈયા પોતાને પાર્ટીના બોસ મને છે પરંતુ તેઓના કારણે કોંગ્રેસનું ઘણું નુકશાન થયું access_time 11:15 pm IST