Gujarati News

Gujarati News

News of Tuesday, 17th April 2018

કોમેડિયન સુનિલ ગ્રોવરને મળી વધુ એક ફિલ્મ: વિશાલ ભારદ્વાજની ફિલ્મમાં ભજવશે મહત્વનો રોલ

મુંબઇ: સગ્ગી માજણી બહેનો વચ્ચે થયેલી ગળાકાપ સ્પર્ધાની વાત કરતી વિશાલ ભારદ્વાજની ફિલ્મ માટે કોમેડિયન સુનીલ ગ્રોવરને તાજેતરમાં સાઇન કરવામાં આવ્યો હતો.   અત્યાર અગાઉ સુનીલે ટોચના એેક્શન સ્ટાર અક્ષય કુમારની સુપરહિટ ફિલ્મ ગબ્બર ઇઝ બેકમાં એક નાનકડો પરંતુ મહત્ત્વનો રોલ કર્યો હતો. હવે વિશાલની ફિલ્મમાં ચમકવાનો છે. અગાઉ એવી વાતો ઊડી હતી કે બંને બહેનોના પિતાના રોલમાં વિજય રાજ ચમકશે. વિશાલે વિજય રાજને પણ સાઇન કર્યા હતા. પરંતુ એમના રોલની સ્પષ્ટતા ત્યારે કરાઇ નહોતી. સુનીલ બંનેમાંથી કોઇ હીરોઇનનો બૉયફ્રેન્ડ નથી એવી માહિતી આપતાં એક યુનિટ મેમ્બરે કહ્યું કે સુનીલ એક મહત્ત્વનો રોલ કરી રહ્યો છે. પરંતુ ફિલ્મના હીરો ટાઇપનો રોલ નથી. વિશાલે સુનીલના રોલ વિશે બોલતાં કહ્યું, મને આનંદ છે કે મારી સાથે વિજય રાજ અને સુનીલ ગ્રોવર જેવા બે સારા કલાકારો છે. સુનીલ આટલો બધો જાણીતો સ્ટાર છે એની મને કલ્પના પણ નહોતી. અભિનેતા અને માણસ બંને રીતે સારો છે. સેટ પર બધાંને એની સાથે  વાતો કરવી હોય છે. વિજય રાજ અને સુનીલ બંનેને હું બિનપરંપરાગત રોલમાં રજૂ કરવાનો છું.

(4:49 pm IST)
  • ઉત્તરાખંડના ઉત્તરકાશી, ચમોલી, પિથૌરગઢ, રૂદ્રપ્રયાગ,નૈનિતાલ, અલ્મોડા સહિતના જિલ્લાઓમાં ૨૪ કલાકમાં વરસશે વરસાદઃ અન્ય જગ્યાએ વાતાવરણ રહેશે સામાન્યઃ ગઇકાલે દેહરાદૂન અને નજીકના કેટલાક વિસ્તારોમાં છાંટા પડયા'તા access_time 3:47 pm IST

  • કોંગ્રેસના રાષ્ટ્રીય અધ્યક્ષ રાહુલ ગાંધી સોમવારે ત્રણ દિવસની મુલાકાત માટે પોતાના સંસદીય વિસ્તાર અમેઠી પહોંચ્યા હતાં. રાહુલ ગાંધી અમેઠીના એક સ્કૂલના કાર્યક્રમમાં સંબોધન માટે પહોંચ્યા હતાં.રાહુલ ગાંધીને એક વિદ્યાર્થિનીએ પૂછ્યું કે દેશમાં જે નિયમ બને છે તેને ગ્રામીણ વિસ્તારોમાં સાચી રીતે શા માટે લાગુ પાડવામાં આવતાં નથી. જેના જવાબમાં રાહુલે તરત જ કહ્યું કે,’એ તમે મોદીજીને પૂછો. સરકાર મોદીજી ચલાવે છે. અમારી સરકાર નથી. જ્યારે અમારી સરકાર હશે ત્યારે અમે જવાબ આપીશું.’ access_time 3:59 am IST

  • પ્રમોશન -બઢતીમાં દલિત/એસટી ક્વોટમાં માટે સરકાર સુપ્રીમ કોર્ટમાં જશે તેમ એક કેન્દ્રીય પ્રધાને કહ્યું છે access_time 10:50 pm IST