Gujarati News

Gujarati News

News of Tuesday, 17th April 2018

દીનાનાથ મંગેશકર એવોર્ડઝ્થી સન્માનિત થશે અનુપમ ખેર-આશા ભોંસલે

મુંબઇ: અભિનેતા અનુપમ ખેર અને આવરદાના નવમા દાયકામાં પણ હજ્જારો સંગીતરસિકોને ડોલાવતી ગાયિકા આશા ભોંસલેનાં નામો ચાલુ વર્ષના દીનાનાથ મંગેશકર એવોર્ડઝ્ની યાદીમાં ચમક્યાં હતાં. સ્વર કિન્નરી લતા મંગેશકર અને આશા ભોંસલેના પિતા દીનાનાથ મંગેશકરની સ્મૃતિમાં દર વરસે વિવિધ સાંસ્કૃતિક ક્ષેત્રની સેલેબ્રિટીઝને કલાકારના એેવોર્ડ દ્વારા બિરદાવવામાં આવે છે. ૨૪ એપ્રિલે યોજાનારા ૭૬મા દીનાનાથ મંગેશકર એવોર્ડ સમારોહમાં ફિલ્મ સૃષ્ટિમાં અનેરા પ્રદાન બદલ સિનિયર અભિનેતા અનુપમ ખેરને સ્પેશિયલ એવોર્ડ અપાશે જ્યારે આશા ભોંસલેને લાઇફટાઇમ અચીવમેન્ટ એવોર્ડથી નવાજવામાં આવશે. સરોદ સમ્રાટ અમજદ અલી ખાનને પણ સંગીતના ક્ષેત્રે વિરલ પ્રદાન માટે એવોર્ડ એનાયત કરાશે. એવોર્ડ એનાયત થઇ ગયા બાદ કથક સમ્રાટ બિરજુ મહારાજ અને શાશ્વતી સેન કથક નૃત્ય રજૂ કરશે

 

 

(4:49 pm IST)
  • SBIની દશા ખરાબ : મૂલ્યવાન બેંકોના લીસ્ટમાં કોટક મહિન્દ્રા બેંક SBIથી આગળ : કોટક મહિન્દ્રા બેંકની પ્રગતિ : શેરબજારમાં પણ કોટકનો શેર બે ટકા ઉંચકાયો : ઉદય કોટકની નીતિઓ સફળ : કોટકની આગળ હવે માત્ર HDFC જ છે, બાકી બધા પાછળ access_time 12:50 pm IST

  • ''રૃકાવટકે લિયે ખેદ'': માઇક્રો બ્લોગીંગ સાઇટ ''ટિવટર'' દુનિયાભરમાં ઠબ્બઃ ટેકનીકલ ખામીને કારણે સાંજે ૭ વાગ્યે ઠબ્બ થઇ ગયેલુ ટિવટર એક કલાક પછી ફરી ચાલુ access_time 8:56 pm IST

  • કોંગ્રેસના રાષ્ટ્રીય અધ્યક્ષ રાહુલ ગાંધી સોમવારે ત્રણ દિવસની મુલાકાત માટે પોતાના સંસદીય વિસ્તાર અમેઠી પહોંચ્યા હતાં. રાહુલ ગાંધી અમેઠીના એક સ્કૂલના કાર્યક્રમમાં સંબોધન માટે પહોંચ્યા હતાં.રાહુલ ગાંધીને એક વિદ્યાર્થિનીએ પૂછ્યું કે દેશમાં જે નિયમ બને છે તેને ગ્રામીણ વિસ્તારોમાં સાચી રીતે શા માટે લાગુ પાડવામાં આવતાં નથી. જેના જવાબમાં રાહુલે તરત જ કહ્યું કે,’એ તમે મોદીજીને પૂછો. સરકાર મોદીજી ચલાવે છે. અમારી સરકાર નથી. જ્યારે અમારી સરકાર હશે ત્યારે અમે જવાબ આપીશું.’ access_time 3:59 am IST