Gujarati News

Gujarati News

News of Wednesday, 17th February 2021

અમિતાભની દોહિત્રી નવ્યા ફિલ્મોમાં નહિ આવેઃ પિતાનો બિઝનેસ સંભાળશ

સોશિયલ મિડીયામાં અસંખ્ય ફોલોઅર્સ ધરાવતી

મુંબઇ તા. ૧૭: બોલીવૂડના મહાનાયક અમિતાભ બચ્ચનની દોહિત્રી નવ્યા નવેલી નંદા સોશિયલ મિડીયામાં ખુબ જ જાણીતી છે. તેના અહિ અસંખ્ય ફોલોઅર્સ છે. ચર્ચા હતી કે નવ્યા પણ ફિલ્મોમાં કારકિર્દી બનાવશે. પરંતુ હાલમાં જ નવ્યાએ સ્પષ્ટતા કરી દીધી છે કે તે ફિલ્મો સાથે નહિ પરંતુ પિતાના બિઝનેસ સાથે જોડાઇ રહી છે. ફિલ્મોમાં આવવાનો તેનો કોઇ ઇરાદો નથી.

નવ્યા નવેલી નંદા અમિતાભના પુત્રી શ્વેતા બચ્ચન નદાની દિકરી અને અભિષેક બચ્ચનની ભાણેજ છે. તેણે ગયા વર્ષે ડિજીટલ ટેકનોલોજી અને યુએકસ ડિઝાઇનમાં ગ્રેજ્યુએશન પુરૂ કર્યુ છે. તે હેલ્થકેર કંપનીમાં કો-ફાઉન્ડર પણ છે. આ કંપની મહિલાઓ માટે કામ કરે છે. નવ્યાએ તાજેતરમાં એક પ્રોજેકટ નવેલી લોન્ચ કર્યો છે. આ સંસ્થા દેશમાં લૈંગિક સમાનતા માટે કામ કરે છે.

નવ્યાએ કહ્યું હતું કે તે પિતાના ફેમિલી બિઝનેસ સાથે જોડાવાની તૈયારીમાં છે. હું પરિવારની ચોથી પેઢી અને પહેલી મહિલા છું, જે આ બિઝનેસમાં જોડાશે. મારા દાદા એચ. પી. નંદા દ્વારા મળેલી વિરાસતને આગળ લઇ જવાનું મારા માટે ગોરવ લેવા જેવી બાબત છે. અનેક મહિલાઓ બિઝનેસની ધુરા સંભાળી રહી છે, હું પણ આ ફિલ્ડમાં આગળ વધીશ.

(2:57 pm IST)
  • ભારતમાં ૨૪ કલાકમાં કુલ કોરોના કેસ ૧૧,૦૦૦ નોંધાયા જ્યારે જ્યારે કેરળમાં પાંચ હજાર અને મહારાષ્ટ્રમાં ૩૬૦૦ કેસ નોંધાયા: દેશમાં કુલ કોરોના કેસના ૭૫ ટકા કેસો આ બે રાજ્યોમાં નોંધાયા છે access_time 12:35 pm IST

  • દેશમાં કોરોના ધીમો પડ્યો :મૃત્યુઆંક 1.56 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 12,418 કેસ નોંધાયા :કુલ કેસની સંખ્યા 1, 09,49,546 થઇ :એક્ટિવ કેસ 1,34,244 થયા: વધુ 11,750 દર્દીઓ સ્વસ્થ થતા કુલ 1,06,54,706 થયા :વધુ 89 લોકોના મોત સાથે કુલ મૃત્યુઆંક 1,56,038 થયા access_time 1:02 am IST

  • કર્ણાટકના પૂર્વ મુખ્ય પ્રધાન અને કોંગ્રેસના વરિષ્ઠ નેતા સિદ્ધારમૈયાએ કહ્યું છે કે તેઓ રામ મંદિર માટે દાન નહીં આપે. તે જ સમયે, જેડીએસ નેતા અને ભૂતપૂર્વ સીએમ એચડી કુમારસ્વામીના નિવેદનથી વિશ્વ હિન્દુ પરિષદ ગુસ્સે ભરાયું છે : વિવાદિત નિવેદન આપતા સિદ્ધારમૈયાએ કહ્યું હતું કે, 'જો તેઓ મારી પાસે ભંડોળ માંગવા આવે તો હું કહીશ કે હું અયોધ્યાના "વિવાદિત" રામ મંદિર માટે દાન નહીં આપું. હું બીજે ક્યાંક પણ નિર્માણ પામનારા રામ મંદિર માટે દાન આપીશ. આ મામલો થાળે પડ્યો હોવા છતાં વિવાદ હંમેશા રહેશે જ!' access_time 12:20 am IST