Gujarati News

Gujarati News

News of Wednesday, 17th February 2021

સતત ચાલીસ દિવસ ચાલશે અક્ષયની ફિલ્મનું શુટીંગ

એકશન, કોમેડી, રોમાન્ટીક અને સામાજીક એમ દરેક પ્રકારની ફિલ્મો કરવા માટે જાણીતા અક્ષય કુમારની એક પછી એક ફિલ્મો રિલીઝ માટે તૈયાર છે. તે આનંદ એલ. રાય સાથે વધુ એક ફિલ્મ 'રક્ષાબંધન' પણ કરી રહ્યો છે. જેમાં અક્ષય કુમાર ત્રણ બહેનો જવાબદારી નિભાવતા ભાઇના રોલમાં છે. અક્ષયએ કહ્યું હતું કે આ ફિલ્મ હું મારી બહેન અલ્કાને સમર્પિત કરુ છું. હાલમાં અક્ષય કુમાર આનંદ એલ. રાયની ફિલ્મ અતરંગીનું કામ કરી રહ્યો છે. તેની જ બીજી ફિલ્મ રક્ષાબંધનનું શુટીંગ તે એપ્રિલમાં શરૂ કરશે અને એક સાથે ચાલીસથી પિસ્તાલીસ દિવસોમાં શુટીંગ પુરૂ કરી લેવામાં આવશે. ભારતમાં જ વિભીન્ન સ્થળે શુટીંગ થવાનું છે. ફિલ્મ દિવાળીના તહેવાર પર રિલીઝ કરવાની નિર્માતાઓની યોજના છે. પણ અક્ષયની બીજી ફિલ્મો સાથે ટક્કર ન થાય તે ધ્યાને રખાશે. અક્ષયની સૂર્યવંશી, બેલ બોટમ, બચ્ચન પાંડે, પૃથ્વીરાજ, રામ સેતુ પણ કતારમાં છે.

(9:57 am IST)
  • હાઈકોર્ટમાં ન્યાયાધીશના ૪૦૦ પદ ખાલી : નવી દિલ્હી : દેશભરની ૨૫ હાઈકોર્ટોમાં ૪૦૦ જેટલી જગ્યાઓ ઉપર ન્યાયાધીશોની નિમણુંકો કરવાનું બાકી છે : આ બધા પદ ખાલી છે ત્યારે સુપ્રિમ કોર્ટમાં ૪ જજાના પદ ખાલી છે. access_time 11:17 am IST

  • વડાપ્રધાનનું નાસ્કોનને સંબોધન : વડાપ્રધાન શ્રી નરેન્દ્રભાઈ મોદી આજે નાસકોમ ટેકનોલોજી અને લીડરશીપ ફોરમને સંબોધન કરી રહ્યા છે. access_time 2:53 pm IST

  • હવે પછીના બે દિવસ તાપમાનમાં થોડો વધારો થશે: દક્ષિણ ગુજરાતમાં ક્યાંક વરસાદની સંભાવના : આગામી બે દિવસ દરમિયાન ગુજરાતમાં તાપમાનમાં વધારાની હવામાન વિભાગ તરફથી આગાહી થઈ છે. જ્યારે ગુરુવાર ૧૮ તારીખે દક્ષિણ ગુજરાતમાં અમુક સ્થળે વરસાદની શક્યતા હવામાન વિભાગે દર્શાવી છે. access_time 12:58 am IST