Gujarati News

Gujarati News

News of Friday, 16th November 2018

મુંબઇના બાંન્‍દ્રા વિસ્તારમાં રણવીરનાં બંગલામાં રોશનીનો ઝગમગાટ : દિપિકાને આવકારવા થનગનાટ

મુંબઈઃ દીપિકા પાદુકોણ અને રણવીર સિંહના લગ્નની તસવીરો સોશિયલ મીડિયા પર ધૂમ મચાવી રહી છે. ઈટાલીમાં સંપન્ન થયેલા લગ્ન બાદ રણવીર સિંહનો બંગલો દુલ્હનની જેમ સજાવીને તૈયાર કરાયો છે. સોશિયલ મીડિયા પર રણવીરના બંગલાની તસવીરો સામે આવી છે.

રણવીરનો આ બંગલો મુંબઈના બાંદ્રા વિસ્તારમાં સ્થિત છે. હાલમાં આ  ઘર લાઈટોથી ઝગમગી રહ્યું છે. રણવીરના આ વિલાનું નામ શ્રી છે. રણવીરનું આ ઘર નવી વહુના સ્વાગત માટે તૈયાર છે.

રણવીર સિંહ જ્યાં રહે છે તેણે તે બિલ્ડીંગનો આખો પહેલો ફ્લોર ખરીદી લીધો છે. આ સમગ્ર ફ્લોરનું રિનોવેશન કરવામાં આવ્યું છે અને જાણકારી મુજબ કપલ જલ્દી જ અહીં શિફ્ટ થવાનું છે. જોકે બંનેના ફ્યૂચર પ્લાન્સ ખૂબ જ મોટા છે. હાલમાં આવેલી રિપોર્ટ મુજબ બંને મુંબઈમાં પ્રાઈમ લોકેશન પર પ્રોપર્ટી ખરીદવા ઈચ્છે છે. આ માટે તેમણે લગભગ 70 કરોડનું બજેટ રાખ્યું છે.

જણાવી દઈએ કે દીપિકા અને રણવીરના લગ્ન બાદ હનીમૂન માટે રવાના થઈ જશે. હનીમૂનથી ભારત પાછા આવીને રિસેપ્શન આપશે. રિપોર્ટ્સ મુજબ દીપિકા અને રણવીર 21 નવેમ્બરે બેંગલુરુમાં રિસેપ્શન આપશે. આ રિસેપ્શનમાં દીપિકાના નિકટના મિત્રો અને સંબંધીઓ શામેલ થશે. આ બાદ બંને 28 નવેમ્બરે ગ્રાન્ડ હયાતમાં રિસેપ્શન આપશે.

દીપિકા અને રણવીરના લગ્નની તસવીરે વિરાટ-અનુષ્કાના લગ્નનો રેકોર્ડ તોડી નાખ્યો. દીપિકાએ પોતાના ઈન્સ્ટાગ્રામ એકાઉન્ટ પર લગ્નની પહેલી તસવીર શેર કરી. આ ફોટોને બે કલાકમાં 26 લાખથી વધારે લાઈક્સ મળ્યા. તો વિરાટ-અનુષ્કાના લગ્નની તસવીરને 15 કલાકમાં 25 લાખ લાઈક્સ મળ્યા હતા.

(4:32 pm IST)
  • જેટ એરવેઝ ઇન્ડિયાને બચાવી લેવા વડા પ્રધાન નરેન્દ્રભાઈ મોદીએ ટાટા ગ્રૂપને મદદ માટે આગળ આવવા કહ્યું છે. access_time 12:39 am IST

  • હિમાચલ પ્રદેશમાં નવેસરથી બરફવર્ષાઃ તાપમાન શૂન્‍ય ડિગ્રીથી નીચે ઊતર્યું access_time 11:36 am IST

  • સેન્સેકસ-નીફટી ગ્રીન ઝોનમાં : ક્રુડના ભાવ નિયંત્રણમાં રહેતા શેરબજારમાં ઉછાળોઃ ર.૧પ કલાકે સેન્સેકસ ૧પ૭ પોઇન્ટ વધીને ૩પ૪૧૭ અને નીફટી ૩૮ પોઇન્ટ વધીને ૧૦૬પ૪: ડોલર સામે રૂપિયો ૭૧.૭૩ ઉપર ટ્રેડ કરે છે access_time 3:41 pm IST