Gujarati News

Gujarati News

News of Tuesday, 16th October 2018

અમિતાભ બચ્‍ચને પોતાના જન્‍મદિને પોતાને જ રૂૂ.૨.૩૨ કરોડની શાનદાર લકઝરી કાર ગિફ્ટ આપી

મુંબઇઃ બોલિવુડ સુપરસ્ટાર અમિતાભ બચ્ચને 11 ઓક્ટોબરે પોતાનો 76મો બર્થ ડે ઉજવ્યો હતો. તેમની પુત્રવધુ ઐશ્વર્યાએ તાજેતરમાં ઈન્સ્ટાગ્રામ પર ફોટોઝ પોસ્ટ કર્યા છે. ફોટામાં ખબર પડે છે કે બચ્ચન પરિવારે 2.32 કરોડની Lexus LX 570 કાર ખરીદી છે.

લેક્સસની પાવરફૂલ કારઃ

LX 570 ઈન્ડિયા માટે લોન્ચ થયેલી લક્ઝરી લેક્સસ કારની ફ્લેગશિપ SUV છે. કાર ગયા વર્ષે લોન્ચ થઈ હતી. લેક્સસ મોડેલની તે સૌથી પાવરફૂલ કાર છે. બચ્ચન ફેમિલીના ગરાજમાં લક્ઝુરિયસ SUVs ઉપરાંત કેટલીક સ્પોર્ટ્સ કાર પણ છે.

છે ખાસિયતઃ

લેક્સસ LX 570 ટર્બોચાર્જ્ડ 5.7 લિટર V8 પેટ્રોલ એન્જિનથી ચાલે છે. તે 7.7 સેકન્ડમાં 0થી 100 કિ.મી સ્પીડ પર પહોંચી જાય છે. તેની ટોપ સ્પીડ 210 કિ.મી પ્રતિ કલાક છે.

સ્પેશિયસ છે કારઃ

સ્પેસની વાત કરીએ તો લેક્સસ LX 570 જેવી સ્પેસ બીજી કોઈ SUVમાં મળતી નથી. તેની લંબાઈ 5080 mm જેટલી છએ, પહોળાઈ 1980 mm અને ઊંચાઈ 1865 જેટલી છે. તેનો વ્હીલ બેઝ 2850 mm લાંબો છે અને SUVનું વજન 2660 કિલો જેટલું છે.

SUVના શોખીન છે બિગ બીઃ

અમિતાભ બચ્ચનને SUVsનો ખાસ્સો શોખ છે. લેક્સસ ટોયોટા ગૃપની બીજી લક્ઝરી કાર છે જેને બચ્ચન પરિવારના ગરાજમાં સ્થઆન મળ્યું છે. ઉપરાંત બચ્ચન ઓલ્ડ જનરેશન ટોયોટા લેન્ડ ક્રુઝર LC 200, રેન્જ રોવર તથા મર્સિડિઝ GLS જેવી શાનદાર SUV પણ ધરાવે છે.

(6:02 pm IST)
  • બોટાદ એસપી દ્વારા પી.આઈ અને પી.એસ.આઈની આંતરિક બદલીઓ:બોટાદ પી.આઈ જે.એમ.સોલકી ને ગઢડા મુકાયા:.બોટાદ પી.આઈ તરીકે એન.કે.વ્યાસ આવ્યા:ઢસા પી.એસ.આઈ એ.પી.સેલૈયાને રાણપુર મુકાયા અને રાણપુર પી.એસ.આઈ વી.એમ.કામળિયાને ઢસા મુકાયા access_time 1:15 am IST

  • મુંબઇમાં સખ્ત ગરમી-ઉકળાટ : ૨૧-૨૨ ઓકટોબરે છુટાછવાયા ગાજવીજ વરસાદી ઝાપટા પડશેઃ હાલ તુર્ત સુકુ અને ગરમ વાતાવરણ ચાલુ રહેશે તેમ સ્કાયમેટ કહે છે. મુંબઇમાં સાંતાકુઝ ખાતે ગઇકાલે ૩૭.૫ સેન્ટીગ્રેડ ઉષ્ણતામાન નોંધાયું હતુઃ ભારે ગરમી-બફારા સાથે લોકો પરસેવે રેબઝેબ છેઃ છેલ્લા ૧૦ વર્ષોમાં બીજી વખત આવુ ઉંચુ ઉષ્ણાતામાન ઓકટોબરમાં જોવા મળ્યું છે. access_time 3:37 pm IST

  • રાજ્યભરમાં સ્ટેટ GST વિભાગના દરોડા: અમદાવાદ, સુરત,વડોદરા,રાજકોટ,વલસાડ,મોરબી, દાહોદમાં પેટ્રોલ પંપ પર તપાસ: પંપના માલિકો વેરો ન ભરી ટેક્સ ચોરી કરતા હતા access_time 1:13 am IST