Gujarati News

Gujarati News

News of Monday, 16th September 2019

લંડનમાં કેન્સરની સફળ સર્જરી બાદ મુંબઈ પાછા ફર્યા એકટર ઈરફાન ખાન

ઈરફાન ખાન એરપોર્ટ પર વ્હીલચેર પર બેઠા હતા અને ચહેરાને એમણે કાળા રંગના કપડાથી ઢાંકી રાખ્યો હતો

મુંબઈ, તા.૧૬: બોલીવૂડ અભિનેતા ઈરફાન ખાન લંડનથી ગયા શુક્રવારે મુંબઈ પાછાં ફર્યા હતા. એરપોર્ટ પર એ વ્હીલચેરમાં બેઠેલા નજરે પડ્યા હતા. એ કેન્સરની સારવાર માટે લગભગ એક વર્ષથી પણ વધારે સમયથી લંડનમાં હતા.

ઈરફાન એમની આગામી હિન્દી ફિલ્મ શ્નઅંગ્રેજી મીડિયમલૃના શૂટિંગ માટે લંડન ગયા હતા. 'અંગ્રેજી મીડિયમ'એમની હિટ નિવડેલી શ્નહિંદી મીડિયમલૃની સીકવલ છે.

ઈરફાન ખાન એરપોર્ટ પર વ્હીલચેર પર બેઠા હતા અને ચહેરાને એમણે કાળા રંગના કપડાથી ઢાંકી રાખ્યો હતો. માથા પર એમણે સફેદ રંગની કેપ પહેરી હતી અને એનાથી પણ એ પોતાનો ચહેરો છુપાડવાનો પ્રયત્ન કરતા હતા. એ તસવીર સોશિયલ મિડિયા પર વાયરલ થઈ છે અને એમના સ્વાસ્થ્ય વિશે તરેહતરેહની અટકળો થઈ રહી છે.

જોકે ઈરફાનના પ્રશંસકોને રાહત થાય એવા સમાચાર એ છે કે ઈરફાનના પ્રવકતાએ એક નિવેદનમાં કહ્યું છે કે લંડનમાં ઈરફાનની સર્જરી સફળ રહી હતી. 'અંગ્રેજી મીડિયમ' ફિલ્મનું શૂટિંગ પૂરું થયા બાદ સર્જરી કરવામાં આવી હતી.

નિવેદનમાં જણાવાયું છે કે ઈરફાન ખાનને મુંબઈ ઘર ખૂબ યાદ આવતું હતું. એ થોડાક દિવસ માટે અને સાજા થવા માટે મુંબઈ આવ્યા છે.

ઉલ્લેખનીય છે કે ઈરફાનને ન્યૂરોએન્ડોક્રાઈન ટ્યૂમરનું નિદાન થયું હતું, જે ભાગ્યે જ થતું એક પ્રકારનું કેન્સર છે.

'અંગ્રેજી મીડિયમ'માં કરીના કપૂર-ખાનની પણ ભૂમિકા છે.(

(10:04 am IST)
  • સોની બજાર વિસ્તારમાં નવા રાક્ષસી ટ્રાફીક કાનુનના વિરોધમાં : ૧૫-૨૦ લોકો બંધ પળાવવા નિકળી પડયાઃ ૨-૪ દુકાનો બંધ થઇ ત્યાં ટોળું વિખેરાઇ ગયું: સ્થિતિ શાંતી પૂર્ણ access_time 12:24 pm IST

  • અમદાવાદ : મણિનગર એલ જી હોસ્પિટલ મા થયો હોબાળો: દદીઁના સગા એ વૃધ્ધાને સારવાર બરાબર ના કરતા તાત્કાલિક સારવાર વિભાગ મા છુટ્ટા હાથ ની થઈ મારામારી: બાઉનસરો તેમજ દદીઁ ના સગાઓ વચ્ચે થઈ માથાકૂટ access_time 11:46 pm IST

  • ૧૩૮II ઇંચ : સાંતાક્રુઝમાં ૬૫ વર્ષનો રેકોર્ડ બ્રેક વરસાદ નોંધાયો : મુંબઇ-સાંતાક્રુઝમાં ચોમાસાની સીઝનનો ૬૫ વર્ષનો વરસાદી રેકોર્ડ તુટયો છે. (૧ જુનથી ૩૦ સપ્ટે. સુધી) આજે ૧૬ સપ્ટેમ્બર સવારે ૮II સુધીમાં મુંબઇના સાંતાક્રુઝ ખાતે ૩૪૬૨.૮ મી.મી. (૧૩૮II ઇંચ) જે છેલ્લા ૬૫ વર્ષમાં પડેલ સૌથી વધુ વરસાદ છે. access_time 4:38 pm IST