Gujarati News

Gujarati News

News of Monday, 16th September 2019

ટાઇગર વગર 'વોર' બની જ ન હોત

રિતીક રોશન અને ટાઇગર શ્રોફની ફિલ્મ વોર સતત ચર્ચામાં છે. પોસ્ટર, ટ્રેલર અને ગીતો દર્શકોને પસંદ પડી રહ્યા છે. બોલીવૂડની સોૈથી ખતરનાક એકશન ફિલ્મ હોવાનો દાવો થઇ રહ્યો છે. નિર્દેશક સિધ્ધાર્થ આનંદે રિતીક અને ટાઇગર વિશે કહ્યું હતું કે આ બંને અસલ જિંદગીમાં ગુરૂ-ચેલા છે, સાથે કામ કરવામાં બંને વચ્ચે કોઇ મુશિબત ઉભી થઇ નહોતી. બંને સારા ડાન્સર છે, એકશન હીરો છે અને બંનેના અસંખ્ય ચાહકો છે. આમ છતાં પ્રતિસ્પર્ધા જોવા મળી નથી.  સિધ્ધાર્થ કહે છે રિતીકને ટાઇગર પોતાનો આદર્શ ગણે છે. તો રિતીક પણ ટાઇગરનું માન જાળવે છે. ફિલ્મ વોરમાં ખાલિદ (ટાઇગર) અને કબિર (રિતીક)ની કહાની છે. ખાલિદ સિનીયર અને આઇડલ કબિરને પકડવા મેદાને ઉતરે છે, કબિર બાગી થઇ ગયો હોય છે. સિધ્ધાર્થ કહે છે આ ફિલ્મ માટે રિતીક તો નક્કી હતો. પણ જો ટાઇગર ન હોત તો  ફિલ્મ ડબ્બામાં બંધ થઇ ગઇ હોત.

(10:03 am IST)
  • કેન્દ્ર ને ઝટકો આપતી સુપ્રીમ કોર્ટ : સુપ્રીમ કોર્ટે કોંગ્રેસના નેતા અને પૂર્વ કેન્દ્રીય પ્રધાન ગુલામ નબી આઝાદને કાશ્મીરની મુલાકાત લેવાની મંજૂરી આપી છે. આ સમય દરમિયાન તે ચાર જિલ્લાની મુલાકાત લઈ શકે છે. જો કે, તે આ સમયગાળા દરમિયાન કોઈપણ રાજકીય કાર્યક્રમમાં ભાગ લઈ શકશે નહીં. એકવાર ત્યાં પહોંચ્યા પછી, તે સુપ્રીમ કોર્ટમાં રિપોર્ટ રજૂ કરશે. આ સંદર્ભે કેન્દ્રને નોટિસ આપવામાં આવી છે. સુપ્રીમ કોર્ટની મંજૂરી બાદ હવે ગુલામ નબી આઝાદ બારામુલ્લા, અનંતનાગ, શ્રીનગર અને જમ્મુ જિલ્લાની મુલાકાત લઈ શકે છે. access_time 12:28 pm IST

  • સોની બજાર વિસ્તારમાં નવા રાક્ષસી ટ્રાફીક કાનુનના વિરોધમાં : ૧૫-૨૦ લોકો બંધ પળાવવા નિકળી પડયાઃ ૨-૪ દુકાનો બંધ થઇ ત્યાં ટોળું વિખેરાઇ ગયું: સ્થિતિ શાંતી પૂર્ણ access_time 12:24 pm IST

  • કોંગ્રેસના વરિષ્ઠ નેતા પી.ચિદમ્બરમનો આજે 74 મો જન્મદિવસ છે. ચિદમ્બરમ હાલમાં આઈએનએક્સ મીડિયા કેસમાં તિહાડ જેલમાં છે. આ પ્રસંગે તેમના પુત્ર કાર્તિ ચિદમ્બરમે તેમના પિતાને ભાવનાત્મક પત્ર લખ્યો છે. કાર્તિ ચિદમ્બરમે પત્રમાં ઇશારામાં વડા પ્રધાન મોદી પર નિશાન સાધ્યું હતું કે, "પ્રિય અપ્પા, આજે તમે 74 વર્ષનો થયા છો અને કોઈ 56 ઇંચ તમને રોકી શકશે નહીં. તમારી ગેરહાજરીથી આપણું હૃદય દુભાય છે. કાશ, તમે અમારા બધાની સાથે કેક કાપવા ઘરે જ હોત." access_time 11:58 am IST