Gujarati News

Gujarati News

News of Monday, 16th September 2019

બિગ બોસમાં ભાગ લેવાની તેજસ્વી પ્રકાશે કહી ના

ટીવી પરદે સિલસિલા બદલતે રિશ્તો કા શોમાં મિષ્ટીનો રોલ નિભાવી ચુકેલી અભિનેત્રી તેજસ્વી પ્રકાશને બિગ બોસ-૧૩ માટે ઓફર કરવામાં આવી હતી. પરંતુ આ અભિનેત્રીએ સલમાન ખાન સંચાલિત  બિગ બોસનો ભાગ બનવાની ના કહી દીધી છે. તેજસ્વીએ કહ્યું હતું કે મને બિગ બોસ ૧૩માં ભાગ લેવા ઓફર મળી હતી. પરંતુ મેં હમણા જ હજુ એક રિયાલીટી શો પુરો કર્યો હોઇ મારે આરામની જરૂર હતી. આથી આ વખતની સિઝમાં હું સામેલ થવા ઇચ્છતી નહોતી. કદાચ બિગ બોસની અન્ય સિઝનમાં હું સામેલ થઇ શકીશ. તેજસ્વીએ ખતરો કે ખિલાડી-૧૦માં પણ ભાગ લીધો છે. તે ટોપ થ્રીમાં સામેલ થઇ શકી નહોતી. તેણે સંસ્કાર-ધરોહર અપનો કી દ્વારા ટીવી પરદે કારકિર્દી શરૂ કરી હતી. એ પછી સ્વરાગિની, પહરેદાર પિયા કી, રિશ્તા લિખેંગે હમ નયા સહિતના શો કર્યા છે.

(10:02 am IST)
  • કોંગ્રેસના વરિષ્ઠ નેતા પી.ચિદમ્બરમનો આજે 74 મો જન્મદિવસ છે. ચિદમ્બરમ હાલમાં આઈએનએક્સ મીડિયા કેસમાં તિહાડ જેલમાં છે. આ પ્રસંગે તેમના પુત્ર કાર્તિ ચિદમ્બરમે તેમના પિતાને ભાવનાત્મક પત્ર લખ્યો છે. કાર્તિ ચિદમ્બરમે પત્રમાં ઇશારામાં વડા પ્રધાન મોદી પર નિશાન સાધ્યું હતું કે, "પ્રિય અપ્પા, આજે તમે 74 વર્ષનો થયા છો અને કોઈ 56 ઇંચ તમને રોકી શકશે નહીં. તમારી ગેરહાજરીથી આપણું હૃદય દુભાય છે. કાશ, તમે અમારા બધાની સાથે કેક કાપવા ઘરે જ હોત." access_time 11:58 am IST

  • ભારતીય વાયુસેનાની સૈન્ય ક્ષમતામાં મોટો વધારો :વાયુસેનાને ઇઝરાયલ પાસેથી મળ્યો સ્પાઇસ બોમ્બનો પહેલો જથ્થો: બાલાકોટમાં ઉડાવ્યા હતા આતંકી કેમ્પ: ભારતીય વાયુસેનાના કાફલામાં સ્પાઇસ-2000 લેઝર ગાઇડેડ બોમ્બને સામેલ કરાયા : માર્ક 84 વૉર હેડ અને બોમ્બની સાથે સ્પાઇસ 2000 બોમ્બની પહેલી ખેપ ગ્વાલિયર પહોંચી હતી. access_time 12:52 am IST

  • સુપ્રીમ કોર્ટે ફારૂક અબ્દુલ્લાની મુક્તિ ને લઈ કેન્દ્ર અને જમ્મુ-કાશ્મીર સરકારને નોટિસ ફટકારી : જમ્મુ-કાશ્મીરમાં કલમ 370 નાબૂદ થયા પછી એમડીએમકે ચીફ વાયકો સહિતના અનેક નેતાઓએ સુપ્રીમ કોર્ટમાં તેની વિરુદ્ધ અરજી કરી છે. જેના પર સુપ્રીમ કોર્ટમાં સુનાવણી ચાલી રહી છે. વાયકોની અરજીની સુનાવણી કરતાં સુપ્રીમ કોર્ટે કેન્દ્ર સરકાર, જમ્મુ-કાશ્મીર સરકારને નોટિસ પાઠવી છે. જોઈએ તો વાયકોએ પોતાની અરજીમાં કહ્યું છે કે રાષ્ટ્રીય પરિષદના નેતા ફારૂક અબ્દુલ્લાનો સંપર્ક થઈ શકતો નથી, જમ્મુ કાશ્મીરમાં કલમ 370 નાબૂદ થયા બાદ તેમને હાઉસ અરેસ્ટમાં રાખવામાં આવ્યા છે. access_time 12:13 pm IST