Gujarati News

Gujarati News

News of Friday, 16th July 2021

'સ્ટેટ ઓફ સીજ'ની નવી સીઝન હવે સંસદભવન પર થયેલા હુમલા પર

'સ્ટેટ ઓફ સીજ – ધ ટેમ્પલ અટેક'નાં જબરદસ્ત વખાણ થયા પછી હવે ત્રીજી સીઝન પણ નક્કી કરવામાં આવી

મુંબઇ,તા. ૧૬: ગાંધીનગરના અક્ષરધામ પર થયેલા આતંકવાદી હુમલા પર આધારિત 'સ્ટેટ ઓફ સીજ – ધ ટેમ્પલ અટેક'ઝી-ફાઇવ પર રિલીઝ થતાંની સાથે જ સુપરહિટ સાબિત થઈ ગઈ. અક્ષય ખન્નાનાં પણ જબરદસ્ત વખાણ થયાં અને સ્ટોરીલાઇનની પણ તારીફ થઈ. આ અગાઉ આ જ વેબ સિરીઝની પહેલી સીઝન તાજ હોટેલ પર થયેલા અટેક પર આધારિત હતી.  બે સકસેસફુલ સીઝન પછી હવે નક્કી કરવામાં આવ્યું છે કે 'સ્ટેટ ઓફ સીજ'ની ત્રીજી સીઝન ભારતીય સંસદભવન પર થયેલા હુમલાને કેન્દ્રમાં રાખીને તૈયાર કરવામાં આવશે. ઓલરેડી એના પર કામ ચાલુ જ હતું પણ આ એક વિષય સિવાય પણ બીજા સબ્જેકટ પર કામ ચાલુ હોવાથી નક્કી નહોતું કરવામાં આવ્યું કે પહેલાં કયા આતંકવાદી હુમલા પર સિરીઝ બનાવવી, પણ હવે નક્કી થઈ ગયું છે.

સંસદભવન પરની આ સીઝન માટે પણ અક્ષય ખન્નાને અપ્રોચ કરવામાં આવ્યો છે. બની શકે તે ઓફર સ્વીકારે અને આ ત્રીજી સીઝનમાં પણ તે જ જોવા મળે. 

(11:35 am IST)