Gujarati News

બોલીવૂડ અભિનેત્રી ઉર્વશી રોૈતેલા પોતાની ફિલ્મો કરતાં સોશિયલ મિડીયાને કારણે વધુ ચર્ચામાં છે. જો કે હાલમાં તેની આગામી ફિલ્મ વર્જીન ભાનુપ્રિયાને કારણે  ચર્ચામાં છે. આ ફિલ્મ માટે તેને ખુબ મોટી રકમની ફી નિર્માતાઓએ ચુકવી છે. ચર્ચા છે કે ઉર્વશીએ આ ફિલ્મ માટે સાત કરોડ રૂપિયા ફી વસુલ કરી છે. ફિલ્મના અન્ય અભિનેતા-અભિનેત્રીઓની તુલનામાં આ રકમ ખુબ મોટી સમજાય છે. ચર્ચા એવી પણ છે કે તાજેતરમાં ઉર્વશીને અમિતાભ બચ્ચન સાથે એક સુપરહિટ ીફલ્મની સિકવલ ઓફર થઇ હતી. પરંતુ તેની પાસે તારીખો ન હોવાથી તેણે આ ફિલ્મમાં કામ કરવાની ના કહી દીધી હતી. ઉર્વશીની વર્જીન ભાનુપ્રિયા આજ સોળમી જુલાઇથી ઓટીટી પ્લેટફોર્મ ઝીફાઇવ પર રિલીઝ થઇ ચુકી છે. ઉર્વશી આ ફિલ્મમાં ભાનુપ્રિયાના રોલમાં છે. તેની સાથે અર્ચના પુરણસિંઘ, રાજીવ ગુપ્તા, ગોૈતમ ગુલાટી, બ્રીજેન્દ્ર કાલા, નિકી અનેજા, રૂમાના મોલ્લા સહિતના કલાકારો છે.