Gujarati News

Gujarati News

News of Monday, 16th July 2018

હવે 'પ્રસ્થાનમ'ની તૈયારીમાં વ્યસ્ત થયો સંજય દત્ત

બોલીવૂડ અભિનેતા સંજય દત્તની જીવન કહાની સંજૂએ ધૂમ કમાણી કરી છે અને ભરપુર સફળતા મેળવી છે. ફિલ્મમાં અભિનય માટે રણબીર કપૂરના ખુબ વખાણ થઇ રહ્યા છે. ત્યારે હવે સંજય દત્ત પોતાની એક ફિલ્મ 'પ્રસ્થાનમ' માટે તૈયારી કરી રહ્યો છે. આ ફિલ્મનો તેનો પ્રથમ લૂક જાહેર થઇ ગયો છે. જેમાં તે ઝભ્ભો અને ધોતી પહેરેલો દેખાય છે. પોસ્ટર રિલીઝ થયું તેની સાથે સંજય દત્ત એક ડાયલોગ બોલતો પણ દેખાય છે. હક દોગે તો રામાયણ શુરૂ હોગી, છીનોગે તો મહાભારત. આ પોસ્ટરને સંજયએ ટ્વિટર એકાઉન્ટ પર પોસ્ટ કર્યુ છે. આ ફિલ્મ થકી તે નિર્માતા પણ બન્યો છે. તેલુગુ સુપરહિટ ફિલ્મ પ્રસ્થાનમની આ હિન્દી રિમેક છે, અને નામ પણ એ જ રખાયું છે. જૈકી શ્રોફ, મનિષા કોઇરાલા, અમાયરા દસ્તુર, અલી ફઝલની પણ મુખ્ય ભૂમિકા છે.

(9:32 am IST)
  • દેવગઢબારિયા તાલુકાના વિરોલ ગામમાં ઉજળ નદીનાં પાણી ઘૂસી જતાં ગ્રામજનો ફસાઈ ગયા હતા. શનિવારે સાંજે ઉપરવાસમાં ભારે વરસાદને કારણે ઉજળ નદીમાં પૂર આવ્યું હતું. દરમિયાન, છ જેટલી યુવતીઓ એક ફળિયામાંથી બીજા ફળિયામાં જવા માટે નદીનો પટ ઓળંગી રહી હતી ત્યારે પ્રવાહનો વેગ વધતા ફસાઈ ગઈ હતી, પરંતુ હિંમત રાખી તેઓ રેતીના ટેકરા પર ચડી ગઈ હતી, જોકે તો પણ ચારેબાજુ પાણીનો પ્રવાહ વધી જતાં તેઓ નદીમાં ફસાઈ ગઈ હતી. આ અંગે સ્થાનિક તંત્રને જાણ કરવામાં આવતા મામલતદાર, પીએસઆઈ, તાલુકાની ડિઝાસ્ટર મેનેજમેન્ટની ટીમ તેમને બચાવવા માટે પહોંચી ગઈ હતી અને તેમને સલામત બહાર કાઢવામાં આવી હતી. access_time 1:18 am IST

  • વેચાયેલી ખેતીની જમીન પરત માંગતા ખેડૂતો અંગે હાઇકોર્ટનો મહત્ત્વનો ચૂકાદો : કોર્પોરેટ કંપની દ્વારા ખરીદવામાં આવેલી ખેતીની જમીન મામલે ગુજરાત હાઈકોર્ટ દ્વારા મહત્ત્વનો ચુકાદો આપતા જણાવાયું હતું કે, એક વખત ખેતીની જમીન વેંચાણ કરી દીધા બાદ આવી જમીન પરત મેળવવા માટે ખેડૂતો હક્કદાર રહેતા નથી. કોર્પોરેટ કંપનીઓને ખેતી માટે પોતાની ખેતીની જમીન એકવાર વેચ્યા પછી, ખેડૂતોને સોદાના વેચાણ અને માગને રદ કરવાનો અધિકાર નથી. access_time 1:40 am IST

  • પાકિસ્તાનમાં સામાન્ય ચૂંટણી પહેલા ફેસબુકે ઇસ્લામી મિલ્લી મુસ્લિમ લીગ (એમએમએલ)ના ઘણા એકાઉન્ટ અને પેજોને બંધ કરી દીધા છે. તેને મુંબઈ આતંકી હુમલાના માસ્ટરમાઇન્ડ હાફિઝ સઈદની આગેવાનીવાળા જમાત-ઉદ-દાવાના રાજકીય સંગઠન માટે મોટો ઝટકો માનવામાં આવી રહ્યો છે. આ જાણકારી આજે એક મીડિયા રિપોર્ટમાં સામે આવી છે. access_time 1:19 am IST