Gujarati News

Gujarati News

News of Thursday, 16th May 2019

હું ગરીબીનો હૃતિક રોશન છું, આ પ્રોજેક્ટ માટે બહુ એક્સાઇટેડ છું: જેકી શ્રોફ અને આયેશા શ્રોફના પુત્ર ટાઇગર શ્રોફનું નિવેદન

મુંબઈ : જેકી શ્રોફ અને આયેશા શ્રોફનો દીકરો ટાઇગર શ્રોફ ધીમી પણ મક્કમ ગતિથી બોલિવૂડમાં પોતાનું સ્થાન જમાવી રહ્યો છે. ટાઈગર માટે 2018ની જેમ 2019નું વર્ષ પણ ધમાકેદાર સાબિત થયું છે કારણ કે તેની 'સ્ટુડન્ટ ઓફ ધી યર' બોક્સઓફિસ પર સારી એવી કમાણી કરી રહી છે છે. ટાઇગરની લોકપ્રિયતા યુવાનોમાં દિવસેને દિવસે વધી રહી છે. તેના એક્શન દ્રશ્યોને લીધે તેણે પોતાનું એક ખાસ સ્થાન બનાવ્યું છે. હવે ટાઇગર બહેન કૃષ્ણા શ્રોફ સાથે મળીને MMA (મિક્સ માર્શલ આર્ટ) મેટ્રિક્સ જિમ સ્થાપવા તૈયારી કરી છે. ટાઇગર બહેન કૃષ્ણા શ્રોફ સાથે મળીને પહેલી ડિસેમ્બરથી મુંબઈના બાંદરામાં MMA માન્યતા પ્રાપ્ત જીમની શરૂઆત કરી રહ્યા છે. ટાઇગરનું પ્લાનિંગ છે કે આગામી બે વર્ષમાં 12 સ્ટુડિયો શરૂ કરવામાં આવે.

જોકે હાલમાં ટાઇગર તેના એક ચોંકાવનારા નિવેદનને કારણે ચર્ચામાં આવ્યો છે. મળતી માહિતી પ્રમાણે ફિલ્મમેકર સિદ્ધાર્થ આનંદના અપકમિંગ પ્રોજેક્ટ માટે હૃતિક અને ટાઈગરને સાથે કાસ્ટ કરવામાં આવ્યા છે. અત્યારે ફિલ્મને લગતી બીજી કોઈ જાણકારી સામે આવી શકી નથી. હાલમાં જ્યારે ટાઇગરને જ્યારે ફિલ્મ વિશે સવાલ કરવામાં આવ્યો ત્યારે તેણે કહ્યું કે હું ગરીબોનો હૃતિક રોશન છું અને પ્રોજેક્ટ માટે બહુ એક્સાઇટેડ છું. ઈન્ટરવ્યૂ દરમિયાન ટાઇગરે માહિતી આપી હતી કે તે હૃતિકનો મોટો ફેન છે અને હૃતિક એક એવી વ્યક્તિ છે જે તેને હંમેશા પ્રેરણા આપે છે.

જોકે મેચોમેન ટાઇગર અંગત જીવનમાં બહુ સોફ્ટ છે. હાલમાં ટાઇગર ફિલ્મમેકર કરણ જોહરના લોકપ્રિય શો કોફી વિથ કરણમાં આવ્યો હતો ત્યારે તેણે પોતાના બેડરૂમ સિક્રેટનો ખુલાસો કર્યો છે. શોમાં ટાઇગરે જણાવ્યું છે કે તેણે નાનપણમાં જ્યારથી હોરર ફિલ્મો જોઈ છે ત્યારથી તે બેડરૂમમાં એકલો નથી સુઈ શકતો. ટાઇગરના ઘરે તેના રૂમમાં તેની માતા સુઈ  જાય છે અને તે જ્યારે આઉટડોર શૂટિંગમાં હોય ત્યારે તે આગ્રહ કરીને ક્રુ મેમ્બરને પોતાના રૂમમાં સુવડાવે છે.

(4:45 pm IST)
  • દરમિયાન જેનુ ઉડ્ડીયન થંભી ગયું છે તેમા જેટ એરવેઝમાં રોકાણ કરવા મુંબઇની ડાર્વીન ગ્રુપે માગણી રજુ કરી છે access_time 4:29 pm IST

  • મહેસાણાની દુધસાગર ડેરીના ૪૫ કર્મચારીઓની બદલીઃ ત્રણ દિવસથી હડતાલ ઉપર : કર્મચારીઓ મહેસાણા ન આવવા મકકમઃ ૩ દિવસથી મહેસાણાના કર્મીઓ હડતાલ ઉપર ડેરીએ કામ બંધ કરતા કર્મચારીઓની કરી બદલીઃ દુધસાગર ડેરીના કર્મચારી હડતાલ પરઃ હરીયાણાના માનેસર પ્લાન્ટના કર્મીઓ હડતાલ ઉપરઃ મહેસાણાના કર્મીને ઉપર પર પ્રાંતીયોએ માર્યો હતો માર access_time 3:21 pm IST

  • હું ગાંધીજીનું બહુ સન્માન કરું છું :સાધ્વી પ્રજ્ઞા ઠાકુરનું શીર્ષાસન : નથુરામ ગોડસેને દેશભક્ત ગણાવ્યા બાદ ભાજપે આ નિવેદનથી પોતાનો પલ્લો ઝાટક્યો હતો અને માફી માંગવા કહેતા સાધ્વી પ્રજ્ઞાને માફી માંગવા સાથે કહ્યું હું ગાંધીજીનું બહુ સન્માન કરું છું access_time 1:16 am IST