Gujarati News

Gujarati News

News of Thursday, 16th May 2019

કંગનાએ આદિત્ય પંચોલી વિરૂદ્ધ ફરીયાદ દાખલ કરી : શારીરિક હિંસા-મારપીટનો આરોપ

જો કે આ મામલો ૧૩ વર્ષ જૂનો છે, તે સમયે બંને રીલેશનશીપમાં હતા : બંને સાથે રહેતા હતા

મુંબઇ,તા.૧૬ : આદિત્ય પંચોલી અને કંગના રનૌતનો વર્ષો જૂનો વિવાદ એક વખત ફરીથી ચર્ચામાં છે. ક્યારેક બંને રિલેશનશિપમાં હતા. પરંતુ એમના રિલેશન સમયની સાથે ખરાબ રીતે પૂર્ણ થયા. કંગનાએ આદિત્ય પંચોલી પર શારીરિક હિંસા અને મારપીટ કરવાનો આરોપ લગાવ્યો હતો. હવે માહિતી મળી છે કે આદિત્ય પંચોલીએ થોડાક દિવસ પહેલા કંગના રનૌતની વિરુદ્ધ પોલીસમાં ફરિયાદ દાખલ કરાવી છે.

આદિત્ય તરફથી કરવામાં આવેલી ફરિયાદ, કંગનના અને એની બહેન રંગોલી ચંદેલનો એ ફરિયાદનો જવાબ છે જેમાં એને આદિત્ય પર શોષણ અને ઉત્પીડનનો આરોપ લગાવ્યો હતો. ફરિયાદમાં આદિત્ય પંચોલીએ દાવો કર્યો છે કે કંગના રનૌતના વકીલે એની પર કેસ દાખલ કરવાની ધમકી આપી છે. જે આદિત્યના હિસાબથી ખોટું છે.

આદિત્ય પંચોલીએ કંગના વિરુદ્ધ રવિવારે મુંબઇના વર્સોવા પોલીસ સ્ટેશનમાં ફરિયાદ દાખલ કરાવી, આદિત્ય પંચોલીએ પુરાવા તરીકે વીડિયો અને ફોન રેર્કોડિંગ પણ જમા કરાવ્યા છે. કંગના અને આદિત્ય વચ્ચેનો આ મામલો ૧૩ વર્ષ જૂનો છે.

આદિત્યનું નામ લીધા વગર એની સાથે સંબંધને લઇને કંગના રનૌતે કહ્યું કે અમે પતિ પત્નીની જેમ જ રિલેશનશિપમાં હતા. અમે બંને અમારા માટે યારી રોડ પર એક ઘરનું પ્લાન પણ કરી રહ્યા હતા. અમે એક મિત્રના ઘરે ૩ વર્ષ સુધી એક સાથે પણ રહ્યા હતા. હું જે ફોનનો ઉપયોગ કરી રહી હતી એ પણ એમનો જ હતો.

(4:47 pm IST)
  • મહેસાણાની દુધસાગર ડેરીના ૪૫ કર્મચારીઓની બદલીઃ ત્રણ દિવસથી હડતાલ ઉપર : કર્મચારીઓ મહેસાણા ન આવવા મકકમઃ ૩ દિવસથી મહેસાણાના કર્મીઓ હડતાલ ઉપર ડેરીએ કામ બંધ કરતા કર્મચારીઓની કરી બદલીઃ દુધસાગર ડેરીના કર્મચારી હડતાલ પરઃ હરીયાણાના માનેસર પ્લાન્ટના કર્મીઓ હડતાલ ઉપરઃ મહેસાણાના કર્મીને ઉપર પર પ્રાંતીયોએ માર્યો હતો માર access_time 3:21 pm IST

  • શ્રીલંકામાં ૧૦૦ જેલભેગા : મુસ્લિમો વિરૂધ્ધ ભડકેલ હિંસા હવે કાબુમાં : સંવેદનશીલ વિસ્તારોમાં રાત્રી કર્ફયુ : મુસ્લિમોની દુકાનો - મસ્જીદો - નિવાસોને સિંહાલીઓએ નિશાન બનાવ્યા access_time 1:22 pm IST

  • વેનેઝુએલા જતી તમામ ફલાઈટો અમેરિકાએ રદ્દ કરી : સલામતી અને સિકયુરીટી કારણોસર વેનેઝુએલા જતી તમામ વિમાની ઉડ્ડયનો અમેરિકાએ રદ્દ કર્યા છે : વેનેઝુએલામાં ભારે રાજકીય અફરાતફરી પ્રવર્તે છે અને સતત તનાવ વધતો જાય છે ઉપરાંત રાજકીય અસ્થિરતા સર્જાયેલ છે. access_time 3:49 pm IST