Gujarati News

Gujarati News

News of Tuesday, 16th April 2019

પ્રિયંકા ચોપરાનો ધડાકો : મારૃં પણ થયું છે યૌન શોષણ

મુંબઈ : ગયા વર્ષે શરૂ થયેલા મી ટૂ આંદોલને બોલિવૂડથી માંડીને રાજકારણની દુનિયાને હલાવી દીધું હતું. હવે આ મામલે પ્રિયંકા ચોપરાએ મોટું નિવેદન આપ્યું છે અને મહત્વની વાત છે કે પ્રિયંકાએ ભારતમાં નહીં પણ વિદેશમાં આ નિવેદન આપ્યું છે. પ્રિયંકા હાલમાં ન્યૂયોર્કમાં એક કાર્યક્રમમાં હિસ્સો લેવા ગઈ હતી અને આ દરમિયાન તેણે પોતાની વાત રજૂ કરી હતી.

પ્રિયંકાએ ન્યૂયોર્કના ૧૦માં વાર્ષિક મહિલા સંમેલનમાં હિસ્સો લીધો હતો અને આ દરમિયાન પોતાની આપવીતી સંભળાવી હતી. આ સમયે દેસી ગર્લે કહ્યું હતું કે તે પણ યૌન ઉત્પીડનનો ભોગ બની છે અને આ વિશે વાત કરવામાં તેને કોઈ શરમ નથી. પ્રિયંકાએ નિવેદન આપ્યું હતું કે હવે મહિલાઓ એકબીજાને સમર્થન આપી રહી છે એટલે તેમને રોકવાની કોઈ પાસે શકિત નથી.

પ્રિયંકાએ પોતાની સ્પિચમાં કહ્યું હતું કે આપણી પાસે હંમેશા કહેવા માટે હતું પણ કોઈએ વાત સાંભળી નહોતી. હવે જયારે મહિલાઓ એકબીજાને ટેકો આપી રહી છે ત્યારે આપણને કોઈ રોકી નહીં શકે અને આ એક અવિશ્વસનીય શકિત છે. હવે મારી પાસે કોઈ દ્યટના છે તો એનો ભોગ બનનાની હું એકલી નથી. આ વાત કહેવામાં મને કોઈ શરમ નથી. પોતાની સાથે થયેલા યૌન ઉત્પીડન વિશે વાત કરતા પ્રિયંકા કહ્યું છે કે કદાચ આ કાર્યક્રમમાં હાજર રહેલી તમામ મહિલાઓ કમસે કમ આવા અનુભવમાંથી પસાર થઈ હશે કારણે કે મહિલાઓ સાથે આવું વર્તન થતું રહ્યું છે.

(3:30 pm IST)
  • અમેરિકન એરલાઇન્સે ૧૯ ઓગસ્ટ સુધી ૧૧૫ ફ્લાઇટ્સ રદ કરી : બોઇંગ ૭૩૭ મેકસને નડેલા ભયાનક અકસ્માતો સંદર્ભે ૧૯ ઓગસ્ટ સુધીમાં મેકસ ૭૩૭ વિમાનોની સમશ્યા દૂર થઈ જશે access_time 3:30 pm IST

  • તામિલનાડુમાં જબરો રાજકીય ગરમાવો : DMKના લોકસભા ચૂંટણીના થુઠુંકુડી બેઠકના ઉમેદવાર સુ.શ્રી. એમ.કે. કનીમોઝીના ચેન્નાઇ સ્થિત ઠેકાણાઓ પર ઇન્કમટેક્ષ ડિપાર્ટમેન્ટ દ્વારા શરૂ કરાયું સર્ચ ઓપરેશન : રાજકીય ઉથલપાથલના એંધાણ access_time 10:56 pm IST

  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST