Gujarati News

Gujarati News

News of Tuesday, 16th April 2019

દિવસની શરૂઆત પૂજાપાઠથી કરે છે અંગૂરી ભાભી

કોમેડી ટીવી શો 'ભાભીજી ઘર પે હૈ'માં અંગૂરી ભાભીનો રોલ નિભાવી ઘર-ઘરમાં જાણીતી બનેલી શુભાંગી અત્રેએ તાજેતરમાં ૧૧ એપ્રિલના રોજ પોતાનો ૩૮મો જન્મદિવસ ઉજવ્યો હતો. ઇન્દોરમાં જન્મેલી શુભાંગી શોમાં હમેંશા પારંપરિક પોષાકમાં જોવા મળે છે. પરંતુ તે અસલી જિંદગીમાં એકદમ બોલ્ડ છે. શુભાંગીએ કારકિર્દીની શરૂઆત પોતાના લગ્ન પછી ૨૦૦૬માં કરી હતી. તેને સોૈથી પહેલા એકતા કપૂરના શો કસોટી જિંદગીમાં  રોલ મળ્યો હતો. અભિનય કારકિર્દી શરૂ કર્યા પછી તે ઇન્દોરથી મુંબઇ આવી હતી. હાલમાં તે મુંબઇમાં પતિ પિયુષ અને બાર વર્ષની દિકરી આશી સાથે રહે છે. શુભાંગી પોતાના દિવસથી શરૂઆત પૂજાપાઠથી કરે છે. તે દહિસરમાં રહે છે. અહિથી નાયગાંવ સ્થિત શોના સેટ પર પહોંચવા માટે તેને ચાલીસ મિનીટ લાગે છે. શુભાંગીને ઘરની બાલકનીમાં બેસવું ગમે છે. તેમજ સફર કરતી હોય ત્યારે ગીતો સાંભળવાનો શોખ છે. ૨૦૦૩માં મિસ મધ્યપ્રદેશનો ખિતાબ પણ તેણે જીત્યો હતો. (૧૪.૨૧)

(9:37 am IST)
  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST

  • પાટણમાં પવનના સુસવાટા સાથે હળવા વરસાદી છાંટા access_time 4:30 pm IST

  • વિવાદી નિવેદન કરવા બદલ નવજોતસિંહ સિધ્ધુ સામે ફરિયાદ દાખલ :કટિહાર જિલ્લા વહીવટી તંત્રે સાંપ્રદાયિક ભડકાઉ ભાષણ આવવા મામલે કોંગ્રેસના નેતા નવજોતસિંહ વિરુદ્ધ એફઆઈઆર દાખલ કરી :નવજોતસિંહ સિધ્ધુએ મુસલમાનોને એકજુથ થઈને મત આપવા અપીલ કરતા વિવાદ થયો હતો access_time 1:04 am IST