Gujarati News

Gujarati News

News of Saturday, 16th March 2019

'દબંગ ૩' ૨૦૧૯ના ક્રિસમસના રીલિઝ કરવાની યોજના

મુંબઇ: સલમાન ખાન બોલીવૂડનો એક એવો અભિનેતા છે, જેની સાથે બોક્સ ઓફિસ  ક્લેશ કરવાની ભૂલ કોઇ કરે નહીં. સહુ કોઇ જાણે છે કે, એક જ દિવસે બે ફિલ્મ રીલિઝ થાય અને એમાંની એક સલમાનની હોય તો દર્શકો સલમાનની જ ફિલ્મ જોવા જશે. સલમાન ખાન સાથે બોક્સ ઓફિસ પર ટક્કર લેવાનો મતલબ છે પોતાની ફિલ્મને ફ્લોપ કરવાનો નિર્ણય. એક રિપોર્ટના અનુસાર સલમાનની 'દબંગ ૩' ૨૦૧૯ના  ક્રિસમસના રીલિઝ કરવાની યોજના છે. સલમાન જલદી જ આ ફિલ્મનું શૂટિંગ શરૂ કરશે અને તે નાતાલમાં  આ ફિલ્મ રીલિઝ કરશે. સલમાનની આ વાતથી સ્પષ્ટ થાય છે કે, તેણે રણબીર કપૂરને પડકાર ફેંક્યો છે. રણબીર-આલિયાની ફિલ્મ 'બ્રહ્માસ્ત્ર'ને ક્રિસમસના રીલિઝ કરવાની ઘોષણા થઇ ચુકી છે. તેથી ટ્રેડ એનાલિસ્ટો' બ્રહ્માસ્ત્ર' અને 'દબંગ ૩'ને સૌથી મોટો ક્લેશ ગણાવી રહ્યા છે. કરણ જોહરની 'બ્રહ્માસ્ત્ર' એક બિગ બજેટ સુપરહીરો ફિલ્મ છે, જ્યારે સલમાનની 'દબંગ ૩'ની લોકો કેટલાય સમયથી રાહ જોઇ રહ્યા છે. તેથી અનુભવીઓનું માનવું છે કે બન્ને વચ્ચે જબરી ટક્કર થવાની શક્યતા છે. જોકે 'દબંગ ૩'ની તારીખ અંગે ે સ્પષ્ટતા કરવામાં આવી નથી. તેથી  ઘણા લોકો એમ પણ માની રહ્યા છે કે, આ બન્ને ફિલ્મના રીલિઝ વચ્ચે અઠવાડિયાનું અંતર રાખવામાં આવશે. જેથી કોઇને નુકસાન ઉઠાવવું ન પડે.

(5:00 pm IST)
  • આજે ભાજપ ખોલશે પતાઃ પ્રથમ યાદી આવશેઃ ૧૦૦ ઉમેદવારો જાહેર થશેઃ નવી દિલ્હીઃ આજે ભાજપ સંસદીય પક્ષની બેઠક મળી રહી છેઃ ૧૦૦ જેટલા ઉમેદવારો જાહેર કરાશેઃ પ્રથમ યાદીમાં જ પીએમ મોદીનું નામ હશેઃ તેઓ વારાણસીથી ચૂંટણી લડશેઃ બિહાર માટેના નામોનું એલાન થઇ શકે છે. આ ઉપરાંત પ.યુપી, ઉત્તરાખંડ, દિલ્હી, પ.બંગાળ, ઓડીશા, મહારાષ્ટ્રના પણ કેટલાક નામો હશેઃ તેલંગણા અને આંધ્રની બધી બેઠકોના નામ જાહેર થશે કારણ કે ત્યાં ૧૧ અને ૧૮ એપ્રિલે મતદાન છે access_time 11:22 am IST

  • અમદાવાદ:એરપોર્ટ પરથી ઝડપાયું સોનુ :દાણચોરીનું 80 લાખનું સોનુ કસ્ટમની ટીમે ઝડપી પાડ્યું :દુબઇ અને શારજહાંથી આવતી વિવિધ ફ્લાઇટ્સમાંથી પકડાયું સોનુ :યુવતી ગોલ્ડ પાવડરને પેસ્ટમાં મિક્સ લઈને આવી હતી access_time 2:09 pm IST

  • ઐતીહાસીક ઘટના : અમેરિકી રાષ્ટ્રપતિ ડોનાલ્ડ ટ્રમ્પે પોતાનો પ્રથમ વીટો જારી કર્યો છે : કોંગ્રેસને સરહદ દિવાલ ભંડોળ માટેના આપાતકાલીન ઘોષણાને સુરક્ષિત કરવા માટે કોંગ્રેસના નિર્ણયને ઉથલાવી દીધો છે. access_time 1:59 am IST