Gujarati News

Gujarati News

News of Saturday, 16th March 2019

રણબીર કપૂર સાથે બદલો લેવા માટે સલમાન ખાને બનાવ્યો માસ્ટર પ્લાન

Photo: 206666-salman-khan-ranbir-kapoor

મુંબઈ : બોલિવૂડના ઇતિહાસને ચકાસવામાં આવે તો ખબર પડે છે કે એક સમયે સલમાન ખાન અને કેટરિના કૈફ એકબીજાની બહુ નજીક હતા. તેમના પ્રેમપ્રકરણની બોલિવૂડમાં ચારે તરફ ચર્ચા હતી. બોલિવૂડમાં લગભગ બધાને ખાતરી હતી કે તેમનો પ્રેમ ચોક્કસ લગ્નની વેદી સુધી પહોંચી જશે. જોકે આ સંબંધોમાં રણબીર કપૂરને લઈને ભારે વિવાદ ઉભો થયો હતો. લાંબા સમય પછી રણબીર અને કેટરિનાના સંબંધોને પણ અંત આવી ગયો હતો. જોકે આમ છતાં સલમાનના દુશ્મનોની યાદીમાં રણબીરનું નામ ટોચ પર છે. હવે રણબીર સાથે બદલો લેવા સલમાને માસ્ટર પ્લાન બનાવ્યો છે. 

આજે સવારે જ ખુલાસો થયો છે કે સલમાન પોતાની આગામી ફિલ્મ 'દબંગ 3' 2019ની ક્રિસમસના દિવસે રિલીઝ કરશે. સલમાને વિદેશી મીડિયા સાથે વાતચીત કરતી વખતે કહ્યું છે કે તે બહુ જલ્દી દબંગ 3નું શૂટિંગ કરશે અને ફિલ્મને ક્રિસમસ વખતે રિલીઝ કરવામાં આવશે. રણબીર લાંબા સમયથી  હિટ ફિલ્મની રાહ જોઈ રહ્યો છે પણ સામા પક્ષે સલમાન એના પ્લાનિંગ પર પાણી ફેરવવા તૈયાર છે. બ્રહ્માસ્ત્રમાં રણબીર અને તેની ગર્લફ્રેન્ડ આલિયા પહેલીવાર સાથે કામ કરી રહ્યા છે એટલે તેને આ ફિલ્મથી બહુ આશા છે પણ સલમાન વચ્ચે પહાડની જેમ ઉભો છે.

એક ચર્ચા પ્રમાણે સલમાન અને કેટરિનાએ પણ લગ્ન કરવાનો નિર્ધાર કરી લીધો હતો. જોકે 2009માં કેટરિનાની એક ફિલ્મને કારણે બંનેના સંબંધોમાં ભારે લોચો ઉભો થઈ ગયો હતો. 2009માં કેટરિના કૈફે બોલિવૂડના સેન્સેશન ગણાતા રણબીર કપૂર સાથે 'અજબ પ્રેમ કી ગજબ કહાની' નામની એક ફિલ્મ સાઇન કરી હતી. આ બંને જ્યારે શૂટ કરી રહ્યા હતા ત્યારે એકબીજાની બહુ નજીક આવી ગયા હતા. તેમની નિકટતા એટલી બધી વધી ગઈ હતી કે કેટરિનાના સલમાન સાથેના સંબંધો તુટી ગયા હતા.

આ ફિલ્મની સફળતાને પગલે રણબીર અને કેટરિનાની નિકટતા વધી અને સલમાન સાથે તેનું બ્રેક-અપ થઈ ગયું. રણબીર અને કેટરિનાની જોડીએ પછી તો ‘રાજનીતિ’ અને ‘જગ્ગા જાસૂસ’ જેવી ફિલ્મોમાં સાથે કામ કર્યું અને લિવ-ઇનમાં સાથે રહેવા લાગ્યા. કમનસીબે તેમનો સંબંધ પણ બહુ લાંબો ન ચાલ્યો. આ પછી એક દિવસ રણબીર અને કેટરિનાનું બ્રેક-અપ થઈ ગયું હતું.

(4:39 pm IST)
  • દેશમાં સૌથી મોટી સમસ્યા બેરોજગારી, જો અમારી સરકાર આવશે તો ગરીબોના ખાતામાં રૂપિયા જમા કરશે : રાહુલઃ રાહુલ ગાંધીએ કહ્યું કે જો અમારી સરકાર આવશે તો મર્યાદા કરતાં ઓછી આવક હશે તેને રૂપિયા મળશે : અમારી સરકાર ગરીબોના ખાતામાં પૈસા જમા કરશે access_time 3:24 pm IST

  • કોંગ્રેસ કેન્દ્રીય ચૂંટણી સમિતિએ લોકસભા ચૂંટણીની ત્રીજી યાદી પ્રસિદ્ધ કરી access_time 1:27 am IST

  • ન્યૂઝીલેન્ડના આતંકી હુમલાને વખોડી કાઢતા વડાપ્રધાન શ્રી નરેન્દ્ર મોદી : આઘાતની લાગણી વ્યક્ત કરી : મૃતકોને શ્રદ્ધાંજલી આપી :આતંકવાદીઓને લોકશાહી શાષનમાં કોઈ સ્થાન ન હોવાનું જણાવ્યું access_time 8:28 pm IST