Gujarati News

Gujarati News

News of Friday, 15th November 2019

કોઇપણ ઉમરે પ્રેમ થઇ શકે છેઃ શ્વેતા

ટીવી પરદાની ખુબસૂરત અભિનેત્રી શ્વેતા તિવારી લાંબા સમય પછી ફરીથી આ ફિલ્ડમાં પાછી આવી છે. તાજેતરમાં સોની ટીવી પર શરૂ થયેલા શો 'મેરે ડેડ કી દુલ્હન'માં શ્વેતા મહત્વનો રોલ નિભાવી રહી છે. આ શોમાં શ્વેતા સાથે વરૂણ બડોલા પણ છે.આ શોનું ઘણા દિવસો સુધી પ્રમોશન કરવામાં આવ્યું હતું. તાજેતરમાં આ સિરીયલ માટેની એક કોન્ફરન્સમાં શ્વેતા તથા વરૂણ બડોલા અને શો સાથે જોડાયેલા બીજા લોકોએ સામેલ થઇ માહિતી આપી હતી. શ્વેતાએ પોતાના પાત્ર વિશે વિસ્તૃત જાણકારી આપી હતી. તેણે કહ્યું હતું કે પ્રેમ કોઇપણ ઉમરે થઇ શકે છે. પ્રેમ ઉમર, રંગ કે કોઇ જાતીનો મોહતાજ નથી હોતો. આ શો માટે શ્વેતાને ખુબ આશા છે. વરૂણ આ શોમાં અંબર શર્માના રોલમાં છે. જેની દિકરી નિયાનો રોલ અંજની તત્રારી નિભાવી રહી છે. શ્વેતા ગુનીત સિક્કા નામની મહિલાનો રોલ નિભાવી રહી છે. વિજય ટીલાણી કબીર નામના યુવાનના રોલમાં છે. શોને દર્શકો પસંદ કરી રહ્યા છે.

 

(10:20 am IST)
  • મોદી સરકારના ડરને કારણે વિપક્ષોમાં એકતા નથી : પૂર્વ કેન્દ્રીય મંત્રી શરદ યાદવે કહ્યું કે વિપક્ષી નેતાઓમાં એકતા નથી કારણ કે કેન્દ્ર સરકાર તેની વિરુદ્ધ કેસ દાખલ કરાવી શકે છે : યાદવે કહ્યું કે ચિદમ્બરમ જેવા કેટલાક નેતાઓ જેલમાં છે જયારે અન્ય જામીન પર છે : વિપક્ષી નેતાઓને ડર છે કે ક્યાંક તેની સામે કેસ દાખલ ના થઇ જાય :જેનો ભાજપ ફાયદો ઉઠાવી રહી છે access_time 1:15 am IST

  • આવતીકાલ શનિવારથી શબરીમાલા મંદિર ભક્તો માટે ખુલ્લું મુકાશે : 3 મહિના સુધી દર્શન માટે ખુલ્લા મુકનારા મંદિરમાં મહિલાઓના પ્રવેશ મામલે કોઈ પણ પ્રકારની સુરક્ષા આપવામાં નહીં આવે : તેમ છતાં ભૂમાતા બ્રિગેડ લીડર સામાજિક કાર્યકર મહિલા તૃપ્તિ દેસાઈએ પહેલા જ દિવસે એટલેકે આવતીકાલે મંદિરમાં પ્રવેશવાનો મક્કમ નિરધાર વ્યક્ત કર્યો access_time 12:56 pm IST

  • દક્ષિણ ગુજરાતના કપરાડા તાલુકામાં 10 કરોડના ખર્ચે 11 ચેકડેમોની સરકારે મંજૂરી આપી છે access_time 10:05 pm IST