Gujarati News

Gujarati News

News of Thursday, 15th November 2018

યુવા શિવગામીની ભૂમિકા નિભાવવી પડકારજનકઃ મૃણાલ

નાગપુરમાં જન્મેલી મૃણાલ ઠાકુરે મોડેલીંગ શરૂ કર્યા બાદ ટીવી પરદે કુમકુમ ભાગ્ય શો થકી ઘર-ઘરમાં ઓળખ બનાવવાની તક મળી હતી. જો કે તેનો પહેલો શો મુજ સે કુછ કહેતી...યે ખામોશિયા હતો. એ પછી તેણે ફિલ્મ લવ સોનીયામાં રોલ નિભાવ્યો હતો. આ ઉપરાંત ઇસ પ્યાર કો કયા નામ દૂં નામનો શો પણ કર્યો હતો. મરાઠી ફિલ્મ પણ કરી ચુકેલી મૃણાલને હવે બાહુબલિ ફિલ્મમાં કામ કરવાની તક મળતાં તે અત્યંત ખુશ છે. બાહુબલી-ધ બિગીનીંગ અને બાહુબલી-૨ ધ કન્કલૂઝન પછી હવે બાહુબલી-બિફોર ધ બિગીનીંગ નામની ફિલ્મ બની રહી છે. આ ફિલ્મમાં મૃણાલને યુવા શિવગામીનો રોલ મળ્યો છે. બાહુબલીમાં રામ્યા કૃષ્ણને આ રોલ નિભાવ્યો હતો. મૃણાલ કહે છે યુવા શિવગામીનો રોલ મારા માટે પડકારજનક બની રહેશે. હું આ સિરીઝની ટીમ સાથે જોડાવાની તૈયારી કરી રહી છું. બાહુબલીના આ પ્રિકવલ નેટફિલકસ પર વેબ સિરીઝ રૂપે દર્શાવાશે. રિતીક સાથે સુપર થર્ટીમાં પણ મૃણાલ મુખ્ય રોલમાં છે.

(11:17 am IST)