Gujarati News

Gujarati News

News of Sunday, 15th September 2019

અભિનેતા આયુષ્‍યમાન માટે લક્કી સાબિત થતી ફિલ્‍મ 'ડ્રીમ ગર્લ' બે દિવસમાં અધધ સાડા સોળ કરોડની કમાણી

મુંબઇ : અભિનેતા આયુષ્યમાન ખુરાનાની ફિલ્મ ડ્રીમ ગર્લ તેના માટે  ખુબ જ લકી સાબિત થઈ રહી છે. પહેલા દિવસે ફિલ્મે 10 કરોડ જેટલું ઓપનિંગ મેળવ્યું. જ્યારે બીજા દિવસે શનિવારે તો ફિલ્મે તેના કરતા પણ ખુબ વધુ એટલે કે સાડા સોળ કરોડ જેટલી કમાણી કરી છે. ક્રિટિક્સે પણ ફિલ્મને સારા રિવ્યુઝ અને રેટિંગ્સ આપ્યા છે. આ સાથે જ ફિલ્મ આયુષ્યમાન ખુરાનાની સૌથી વધુ કમાણી કરી રહેલી  ફિલ્મ પણ બની ગઈ છે.

શુક્રવારે રિલિઝ થયેલી આ ફિલ્મે બે દિવસમાં 25 કરોડનો આંકડો પાર કર્યો છે. ફિલ્મ ટ્રેડ એનાલિસ્ટ તરણ આદર્શે સોશિયલ મીડિયામાં ફિલ્મની બે દિવસની કમાણીના આંકડા બહાર પાડ્યા છે. ફિલ્મે પહેલા દિવસે 10.05 કરોડ રૂપિયાની કમાણી સાથે જબરદસ્ત ઓપનિંગ મેળવ્યું હતું. જ્યારે બીજા દિવસે ફિલ્મની કમાણીમાં શાનદાર ઉછાળો જોવા મળ્યો છે. બીજા દિવસે ફિલ્મે 16.42 કરોડ રૂપિયાની કમાણી કરી છે. આ સાથે જ ફિલ્મની બે દિવસની કમાણી 26.47 કરોડ રૂપિયા થઈ છે.

આ આંકડાથી સ્પષ્ટ છે કે ફિલ્મ રવિવારે પણ બોક્સ ઓફિસ પર શાનદાર કમાણી કરવાની છે. ફિલ્મના આ જબરદસ્ત પ્રદર્શનથી ફિલ્મની આખી ટીમમાં જશ્નનો માહોલ છે. અત્રે જણાવવાનું કે આ ફિલ્મ આયુષ્યમાન ખુરાનાની સૌથી મોટી ઓપનર પણ છે.

આ ફિલ્મને રાજ શાંડિલ્યએ ડાઈરેક્ટ કરી છે. આયુષ્યમાન ખુરાનાએ પોતાની દમદાર એક્ટિંગથી બધાને ખુબ પ્રભાવિત કર્યા છે. કરમની ભૂમિકામાં જેટલો ક્યુટ અને માસૂમ દેખાય છે તેટલો જ પૂજાની ભૂમિકામાં તે અદાઓ અને હાવભાવથી લોકોને એટલા પ્રભાવિત કરે છે કે તેને ઓળખવો પણ મુશ્કેલ બની જાય છે કે  તે છોકરો છે કે છોકરી.

(2:10 pm IST)
  • ગાયોને કપાવા પણ નહી દઇએ: ખેડૂતોના પાકને પણ નુકસાન નહી થાય: યોગી આદિત્યનાથનું વચન : ઉતરપ્રદેશના મુખ્યમંત્રી યોગી આદિત્યનાથે અલીગઢ પહોંચીને 1135 કરોડની 352 યોજનાઓનાં લોકાર્પણ અને શિલાન્યાસ કર્યા access_time 12:51 am IST

  • ગોંડલ નાગરિક બેંકની ચૂંટણી પ્રતિષ્ઠાનો જંગ ખેલાયો : બેંકના 62905 સભાસદોમાંથી 9292 સભાસદોએ કર્યુ મતદાન: મતદાન પૂર્ણ થતાં મતગણતરીનો પ્રારંભ. access_time 6:52 pm IST

  • જેલમાં કેદ નવાઝ શરીફને મુકેશના ગીતો ઉપલબ્ધ કરાવવા જોઈએ : પાકિસ્તાનના રેલમંત્રી શેખ રશિદે કહ્યું કે સરકારે અહીં કોટ લખપત જેલમાં સાત વર્ષની સજા ભોગવતા પૂર્વ પદભ્રષ્ટ પીએમ નવાઝ શરીફને એક ટેપ રેકોર્ડર અને મહાન પાશ્વ ગાયક મુકેશના ગીતનો એક સંગ્રહ ઉપલબ્ધ કરાવવો જોઈએ access_time 1:02 am IST