Gujarati News

મુંબઈ:નંદિતા દાસની ફિલ્મ મન્ટોના પ્રમોશનમાં મશગૂલ નવાઝુદ્દીન સિદ્દીકી હાલ મન્ટો વિશે જાત જાતની વાતો કરી રહ્યો છે. એક મુલાકાતમાં તેણે જણાવ્યું કે ૨૦૧૩માં કાન્સ ફિલ્મ ફેસ્ટિવલ દરમિયાન નંદિતાએ મને આ ફિલ્મ વિશે વાત કરી હતી. હું મન્ટોની વાર્તાઓથી સારી રીતે વાકેફ હતો અને હું કેટલીક વાર્તાઓનું મંચન પણ કરી ચૂક્યો હતો. મેં નંદિતાને તરત જ જણાવ્યું હતું કે હું કોઈપણ શરતે મન્ટો ફિલ્મ કરવા માટે તૈયાર છું. આ ફિલ્મ કરવા માટે હું એટલો આતુર હતો કે મેં પૈસાની કોઈ વાત ન કરી. હવે હસતાં હસતાં નવાઝુદ્દીન ઉમેરે છે, નંદિતા મને ૧ રૂપિયો આપવાની હતી પણ તે આજે ય તેની પર ઉધાર છે. હું આજે પણ એ ૧ રૂપિયો મળવાની રાહ જોઉં છું.